لِيَطْمَئِنّ قَلْبِي⁦❤️⁩✨

الفصل السابع...

#الفصل السابع
#روايه_ليطمئن_قلبي

"‏أغلق النافذة التي تؤذيك مهما كان المنظر جميلاً."

- نجيب محفوظ ।📗

#فوت قبل القراءه يقمرات ومتابعه لصفحتي وشير للروايه ف كل مكان 🥰🫠

________________________________

حمزه دخل اوضه تمارا لاقاها دافنه وشها ف مخدتها وبتعيط قلبه وجعه ومقدرش يتحمل دموعها قرب منها قعد جمبها ع السرير حط ايده ع كتفها بحنيه وقال...
- تمارا قومي ، انا عارف انك سمعاني.

تمارا مردتش عليه وكملت ف زعلها ، حمزه استنكر عملته وزعيقه عليها ومحسش بنفسه غير وهو بيميل يبوسها ع راسها بحب بيعتذر منها بحنيه ويقول...
- انا اسف يتمارا ، متزعليش مني .

تمارا متوقعتش ان حمزه يعتذر منها فتحت عيونها بدهشه وهنا حمزه شافها بعد اتعدلت ناحيته وعيونه ف عيونها اللي بيعشقها واللي هي سبب اساسي ف كل اللي بيحصله ، تمارا عاتبته بحزن وقالت...
- بس انت زعقتلي جامد ي ابيه ؟

حمزه مسك ايدها وضغط عليها بحب وحاسس ان مشاعره باينه اوى ومكشوفه وهو للأسف مش قادر يخبيها واتكلم بصوت مبحوح وقال بصدق ..
- غصب عنى مبحسش بنفسي لما بشوف شهاب قريب منك ، انتي عارفه انتي بالنسبه لي اي ، غصب عني بخاف عليكي من اي حاجه ممكن تضرك حتي لو بدون قصد ، زعيقي وغضبي عليكي كان من خوفي عليكي تأكدي من ده ؟

تمارا غصب عنها قدام نبره صوته المميزه وعيونه اللي بتترجاها مقدرتش تكمل ف زعلها منه ولقت نفسها بتأكد ع كلامه وتقول ..
- متأكده ي ابيه.

حمزه شاكسها بعبث وسالها بمرح ..
_يعني خلاص صافي ي لبن ؟

تمارا هي كمان ضحكت ببراءه ملامحها ومازحته بشقاوه ..
_ حليب يقشطه ، انت عارف اني قلبي ابيض ومبعرفش ازعل منك للأسف.

حمزه ابتسملها بحب واضح وضوح الشمس وبعدين سألها بحنيه..
- اتغديتي ؟

تمارا هزت راسها بنفي كاذب ع طول وبصتله ببراءه وكملت ..
- ولا قربت منه ، ماما صفيه حاولت كتير معايا ، بس انا مرضتش نفسي اتسدت وكنت مخنوقه وبعيط من اللي حصل .

حمزه كلامها وجعه وزعل ان زعل حبيته كده وقرر ان يصالحها بطريقته ، سالها بحب واقترح بمرح...
- وانا ميرضنيش ابدا ان  شنب افندى يفضل كده من غير اكل ، اي رايك اعزمك ع العشاء ف المكان اللي انتي تختاريه؟ ..

تمارا صقفت بفرحه وحماس زى الأطفال وقالت بموافقه ..
- ايوه بقي ، موافقه طبعا .

حمزه ابتسم بحب ع فرحتها الطفوليه،  وقال وهو قايم ...
- خلاص قومي اجهزى عقبال....

قطع كلامه لما رجله خبطت ف حاجه تحت السرير فكرمش وشه بعدم فهم ونزل براسه لتحت ع يشوف اي ده وسط نظرات تمارا اللي بتتمنى الأرض تنشق وتبلعها وهى بتغطي وشها بغطاء السرير بتاعها بحرج وخوف ...