لِيَطْمَئِنّ قَلْبِي⁦❤️⁩✨

الفصل السادس

# الفصل_السادس
#روايه_ليطمئن_قلبي

"‏إسعى إلى ما يلفت قلبك، ليس ما يلفت عينك."

- جلال الدين الرومي ।📘

#قبل الميعاد اهو درسوا ع النجمه بقا اللي ع الشمال وشير للروايه ف الجروبات يقمرات ع تتعرف ومتنسوش المتابعه ع يوصلوا كل جديد 🥰🙏

__________________________

الساعه تسعه الصبح تمارا قامت من نومها ع صوت رنه الموبايل بتاعها ، صاحبتها تالين بترن عليها ع يلحقوا المحاضره ، تمارا تأفأفت بانزعاج ورغم كده قامت بسرعه خدت شاور وجهزت نفسها لبست بنطلون من نوعيه الوايد ليج وعليه بلوزه صغيره باللون الاصفر اللي شبه لون شعرها وسابت شعرها وراها مفرود بخصلاته المموجه بانسايبيه وشوز ابيض ، ومهتمتش ابدا انها تحط اي ميكاب ع وشها غير حاجات خفيفه زى ملمع شفايف ومرطب لوشها  واخدت حاجتها واتحركت بيهم ع طول...

نزلت لدور اللي تحت لقت خالتها "صفيه" ف المطبخ بتجهزلهم الفطار ، تمارا قربت منها باستها ع خدها بمشاكسه سريعه وقالت بمرح وهي بتخطف واحده من شرائح الخيار اللي قدامها ...
" صباح الخير يا احلي صفصف"

صفيه ابتسمت بحب ليها وبصت ناحيتها وقالت بحنيه..
" صباح الخير يعيون صفصف ، اقعدى يلا يحبيبتي ع نفطر سوا قبل ماتنزلي جامعتك ، ويكون حمزه فاق وينزل يوصلك "

تمار تمتت باعتذر وهي بتجهز سندوتش ليها سريع وقالت وهى بتجرى بسرعه ...
" لا بالهنا والشفا انتوا بقا انا يدوب الحق محاضراتي "

صفيه سألتها بسرعه وهى شايفه بتجرى قدامها ..
" مش هتستني حمزه يوصلك ؟! "

تمارا جاوبتها وهي بتخرج من باب البيت ..
" لا يحبيبتى طلبت اوبر خلاص "

صفيه دعتلها بقلب ام خايف عليها من عيون اللي حواليها تمارا صغيره وبريئه طفله بكل معني الكلمه ، واتحركت تكمل تجهيز الفطار وقهوه حمزه عقبال ما يفوق .. شويه ولقيت حمزه فاق وقعد قدامها  علي كرسي تربيزه المطبخ وهو ماسك دماغه بوجع وقال بتعب...
" صباح الخير يا ماما "

صفيه شافت حالته دى قربت منه بخوف ولهفه لما شافته ماسك دماغه بوجع ومغمض عيونه وقالت..
" صباح الخير يحبيبي، مالك ؟! انت تعبان يحمزه ؟! "

حمزه هز راسه بنفي ع يطمئن خوفها اللي باين ف عيونها وقال..
" لا يحبيبتى متقلقيش كده انا كويس ، مصدع بس شويه "

صفيه قربت بحنيتها المعهوده ورقه قلبها مسكت راسه مكان أيده تدلكها له بحنو ...
" معلش يحبيبي اكيد من ضغط الشغل وسهره امبارح ، ربنا يعينكوا  ويريح بالكوا "

حمزه بصالها بحب وشد أيدها اللي ع راسه باسها برقه وحب .." ويباركلي فيك يست الكل "

صفيه ابتسمت لابنها بحب وربتت ع خده ، وبعدين اتحركت تجهزله فطاره وجهزته وحطته ع التربيزه قدامه وجنبها قهوته المفضله ...