لِيَطْمَئِنّ قَلْبِي⁦❤️⁩✨

البارت الرابع..⁦♥️⁩😘

#الفصل_الرابع
#روايه_ليطمئن_قلبي

فوت قبل القراءه ياحلوين ع مفقدش الشغف قبل ماابدا الروايه اصلا🙆🤦‍♂️

"بعض العلاقات تنتهي رغم أنها ما زالت مستمرة."

- السيد الرفاعي ।📓

___________________________________

كارمن كانت بتلبس الفستان بتاعها وبتجهز نفسها فستان عريان وقصير وهي مختاراها تحديدا بناءا ع رغبه سميره امها ، سميره دخلت لقتها بتحط ميكاب ادام المرايه بصتلها وابتسمت وقربت منها وقالت ...
"قمر ي كوكي يحبيبتي قمر "
كارمن ابتسامتها وسعت بثقه ودارات بالفستان حوالين نفسها وقالت ..
" بجد ي ماما الفستان حلو ؟!" سميره ماعلقتش ع قصر الفستان ولا إنه مكشوف لان هي اللي مختاره اصلا ومختاره ع تشوف راي نوح لما يشوفه عليها هيعمل اي ؟!...

وقالت بتأكيد وثقه .." تحفه يروحي تحفه وهتجنيني نوح كمان لما يشوفك "

كارمن كشرت لما جابت سيره نوح ، هي مابتحبش نوح هي بتحب فلوسه والعيشه اللي عايشاها بسببه ، لكن نوح كشخص عادي بالنسبه لها هي عندها اصحابها وشلتها رقم واحد ، اهم حاجه عندها السفر والفسح ونوح شخص خنيق مش هيلبي رغباتها ولا هيتماشي مع اللي هي عايزاه ..؟! ..

فقالت بضيق وهي بتنفخ..." نوح تاني ي ماما تاني "

سميره مسكتها من دراعها وثبتتها قدامها وبدات تكلمها بهدوء هي عارفه بنتها وعارفه انها متقدرش تعيش من غير الفلوس ، وقالت بخبث...
" ايوه نوح تاني وتالت وعاشر ، نوح هو اللي هيحققلك كل احلامك ، نوح اللي هيخليكي الكل ف الكل ، نوح اللي هيرفعك ويخليكي ست البيت هنا ويسلام بقا لو اتجوزتي وخلفتي ولد هتبقا كل حاجه تحت ايدك انتي وولادك "

كارمن نوعا ما بدات تقتنع بكلامها ولكن سؤال حيرها وسالته..." طب وجوري ماهتبقا ليها ف كل حاجه برضه، دانا مكانتش كل حاجه باسمها اصلا "

سميره كملت كلامها بمكر وقالت بتاكيد..
" جوري اي اللي بتسالي عنها ، ده خرصه مابتتكلمش ،  وجودها ملوش لازمه ومش هتأثر عليكي ف حاجه ، لكن انتي وولادك هتبقوا الكل ف الكل اسمعي كلامي بس وانتي هتبقي ست البيت "

كارمن هزت راسها باقتناع لكلامها اللي نوعا ما حست انها صح وبدات تبص لنوح من ناحيه تانيه ، نوح شكلا مش وحش بل بالعكس دا استايل وعضلات وكل اصحابها البنات هيموتوا عليه ، ليه هي تسيبه لواحده غريبه تيجي تاخذه وتاخد الجمل بما حمل ؟! ليه تبقا غبيه وتسيبه ليها بالبساطه دي ؟! كارمن هزت دماغها برفض لا هي مش هتسيب نوح ابدا نوح هيبقا ليها ومش هتسيبه ابدا ،

سميره قربت منها لما لقت ملامح وشها لانت وكانها اقتنعت بالفكره وقالت...
" انا كمان عايزاكي تقربي من جوري وواحده واحده تتعلق بيكي وهي دا اللي هتكون خط الوصال بينك وبين نوح "