لِيَطْمَئِنّ قَلْبِي⁦❤️⁩✨

الفصل الثاني...⁦♥️⁩✨

#روايه _ليطمئن _قلبي
#البارت التاني
دوسوا ع النجمه * يقمرات فوت قبل القراءه وعلقوا ع الفقرات 🥰

_______________________________

"‏نحن لم نطلب السعادة، فقط أردنا جُرعة أقل من الألم."

- تشارلز بوكوفسكي
________________________________

نوح قلبه وقع ف رجليه لما سمع صوت صريخ ، طلع يجرى بره ع حديقه الفيلا ، لقي قدامه بنته الصغيره جورى واقعه ع الارض ماسكه ركبتها مكان إصابتها وعيونها مليان دموع  وجنب منها قاعده بنت عمته كارمن بملامح وش مفزوعه وخايفه ،

نوح لما شاف جوري كده عينيه لمعت بالخوف وجرى عليها شالها من ع الارض قعدها ف حضنه يفحصها كويس ويشوف حصلها اي ! مسك ركبتها بأيديه وقال بلهفه وخوف...
_ جورى حبيبتي حصلك اي يروحى ؟! ..

وزى العاده مفيش صوت ولا اي رد فعل من جورى المسكينه غير بس دموعها اللي ع خدها واللي من خلالها عارف وحاسس بوجعها ، نوح مد أيده ع خدها مسح دموعها برفق وقال بحنان...
_ متخافيش يحبيبي حاجه بسيطه وهنعالجها.

نوح شالها وقام بيها ودخل للفيلا حطها ع اول كنبه قابلته وقعد ع ركبته عند رجليها ومسك ركبتها يفحصها كويس لقي جرح بسيط من أثر وقعتها ، خرج انفاسه براحه ف الدقائق اللي عدت عليه ، واحده من العاملات اللي شغالين ف الفيلا جابت علبه الإسعافات لنوح اللي بدا بكل حنان ورفق ينضف جرح "جورى" براحه وبشويش ع متتألمش وعقمه وحط لاصق طبي مكان الجرح ، وبص عليها بحنان وحزن وهو بيمسح دموعها برقه شديده بيرجع خصلات شعرها لورا..ماسك ايديها الاتنين بيوسهم برقه بالتناوب .

سميره قربت منه وحاولت تداري ع إهمال بنتها اللي اكيد نوح مش هيعديه كدا بالساهل وقالت بنبره ثابته وهى بتحاول تطمنه ..
_ اهدأ ي يـ نوح جورى كويسه متخافش ..

نوح مردش عليها مشغول بجورى وبدموعها اللي بتكوي قلبه ، جورى مش بنته وبس جورى قلبه من جوا ، حته من روحه ! نوح من غير جورى ميقدرش يعيش ، بيخاف ويترعب عليها من اقل حاجة،

كارمن واقفه جنب سميره مش قادره تنطق حرف واحد من خوفها وربكتها بتفرك ف ايديها بتوتر وخوف ، نوح اكيد هيزعقلها ويتهمها بالفشل والاهمال ، نوح عمره ماهيعدى اللي حصل لجورى بالساهل وخصوصا انها كانت قاعده جنبها !

فاطمه نزلت بسرعه من اوضتها ع صوت صريخ ودربكه تحت فنزلت جرى تشوف اي! لقت جورى نايمه ع الكنبه نوح قاعد عند رجليها وسميره وكارمن واقفين قدامه ، فاطمه جريت ع نوح تشوف جورى مالها وسألته بخوف ولهفه وقالت...

_ جورى مالك يحبيبتي ...مالها جورى ي نوح ؟!

نوح بنظره كلها غضب وغيظ وخوفه ع جورى هو اللي مسيطر عليه ف الوقت دا قال بصوت خلي كارمن تترعب اكتر..