အခန်း (၃)၊ အပိုင်း(၂): အဆိပ်
လင်းကျားရွာ
*********************
ယမန်နေ့ညနေပိုင်းလေးမှာပင် လင်းကျားရွာ၏နယ်မြေခံအရာရှိက အရေးကြီးသတင်းတစ်ခုကို ကြေညာခဲ့တယ်။ ဒါကတော့ နန်းတွင်းထဲဝင်ရောက်ပြီး အလုပ်အကျွေးပြုဖို့ရန်အတွက် နန်းတွင်းအစေခံရာထူးနဲ့ နန်းတော်ကနေ လူသစ်တွေ စုဆောင်းနေတယ်ဆိုတဲ့ သတင်စကားကိုပါပဲ။ သူတို့နေထိုင်တဲ့ လင်းကျားရွာကလည်း လူဆယ်ယောက်စာနေရာအတွက် ဖြည့်တင်းပေးရမှာပင်။
ရွာထဲမှ ရွာသားတွေအားလုံးလည်း ဒီသတင်းကို ကြားသိလိုက်ရလို့ အံ့ဩသွားခဲ့ပြီး လူတိုင်း စိတ်ပါဝင်စားစွာ ဆွေးနွေးကြတော့သည်။
"တိတ်ကြစမ်း... တိတ်ကြစမ်း... အားလုံးပဲ နားထောင်ကြ... ဒီသတင်းကအမှန်ပဲ၊ ဒီနေ့ ငါ မြို့ကိုတက်သွားတော့ ခရိုင်တရားသူကြီးကိုယ်တိုင် ငါ့ကိုပြောလိုက်တာ... ဒီတစ်ခါ ငါတို့ လင်းကျားရွာအတွက် လူဆယ်ယောက်စာ နေရာရခဲ့တယ်။ လိုအပ်ချက်အနေနဲ့ကတော့ အသက် (၁၁)နှစ်နဲ့ (၁၂) နှစ်ကြား မိန်းကလေးတွေ ဒါမှမဟုတ် ကောတွေ ဖြစ်ရမယ်။ ငါနားလည်ပါတယ်။ ဘယ်သူမှ ကိုယ့်ကလေးကို နန်းတော်ကို ပို့ချင်မှာမဟုတ်တာကို... ဒါပေမယ့်လည်း အုပ်ချုပ်ရေးရုံးက အမိန့်ချမှတ်ပြီးသား ဖြစ်နေပြီ။ တကယ်လို့ အမိန့်ကို မလိုက်နာခဲ့ရင် တစ်ရွာလုံး ဒုက္ခရောက်ကုန်လိမ့်မယ်..."
ထို့နောက် နယ်မြေခံအရာရှိက ဆက်လက်ပြီး ပြောလိုက်လေသည်။
"တကယ်တော့ ပြောရမယ်ဆိုရင် နန်းတော်ထဲဝင်တာ မင်းတို့ တွေးနေသလောက်လဲ မဆိုးပါဘူး၊ နန်းတော်ထဲဝင်ပြီးလို့ရှိရင် လတိုင်း လုပ်အားခအနေနဲ့ အသပြာတွေရလိမ့်မယ်၊ ပြီးတော့ အပေါ်မှာပြောသလို အကျိုးအမြတ်တွေရမယ့်အပြင်ကို မင်းတို့ အသက် (၂၅) နှစ်ပြည့်လို့ရှိရင် နန်းတော်ကနေ ထွက်ခွင့်ပေးမယ့်အပြင်ကို အဲအတွက်လည်း ငွေသားအချို့ရဦးမှာ... ဒါ့အပြင်ကို ကွေ့ရန်တစ်ယောက်ယောက်ရဲ့ မျက်စိကျတာသာ ခံရမယ်ဆိုရင် အဆုံးအစမရှိတဲ့ ကောင်းမွန်တဲ့အနာဂတ်တွေကို ပိုင်ဆိုင်နိုင်ပြီး မိသားစုကိုလည်း အကျိုးပြုနိုင်လိမ့်မယ်..."
VOUS LISEZ
ပြန်လည်မွေးဖွားလာသောဧက္ကရာဇ်နှင့်သူ၏ချစ်သည်းညှာပေါက်ဆီလုံးလေး
Fiction HistoriqueTitle - Didn't Love You Enough Chinese Title - 重生之宠你不够 Author - 最爱喵喵 (Zui Ai Miao Miao) Status - 56 Chapters (Completed) English Translate - Vanilla Muse, Snownovels Website - Shubl.com , Novel Update ⚠️ Mpreg/Ger Novel မို့လို့ အဆင်မပြေတဲ့သူတွေ War...
