الفصل الاول
نيلي في الفضاء
بقلمي مي محمد
#امسَح_ذُنُوبَك١٠
" بصلاةِ التّوبةِ "
قَالَ رَسُولُ اللهِ صَلَّى الله عَلَيْهِ وَآلِهِ وَصَحْبِهِ وَسَلَّمَ:
"مَا مِنْ عَبْدٍ يُذْنِبُ ذَنْبًا فَيُحْسِنُ الطُّهُورَ ، ثُمَّ يَقُومُ فَيُصَلِّي رَكْعَتَيْنِ ، ثُمَّ يَسْتَغْفِرُ اللهَ إِلَّا غَفَرَ اللهُ لَهُ💚"".
حَدِيثٌ صَحِيحٌ رَوَاهُ ابن حِبّان💚.
*******************★*******************
هاااي انا أسمي نيلي نادر عندي عشرين سنه في كليه صيدله بصراحه انا كان نفسي ادخل حاجه ليها علاقه بالفضاء لآني بعشق حاجه إسمها الفضاء والكواكب والنجوم والحاجات دي بس ماما وبابا رفضوا ليه بقي ،
لانهم عارفين إني مجنونه وبحب اي حاجه تتعلق بالفضاء والكواكب والنجوم والغلاف الخارجي بالمختصر المفيد اي حاجه خارج غلاف الكره الارضيه انا نفسي استكشفها
وطبعا لو كنت دخلت جامعه القاهره قسم علوم الفلك وجات في يوم والجامعة عملت رحله لاستكشاف الفضاء كنت انا اول وحده هركب المكوك 😂
فبابا وماما قالوا لا وكل ما كنت افتح معاهم الموضوع كنت بسمع إجابه وحده بس وهي (لا )
وطبعا ده لاني وحيده بابا وماما ومش هقول إني جيت بعد تعب وصبر والكلام ده
لا انا جيت على طول يعني بابا وماما اتجوزا، ماما حملت فيا على طول ،
ولكن ماما جابتني وكرهتها في كل الاطفال ليه بقي ،
أولا لأن ماما عدت التسع شهور ومش ولدت وكله كان بيضحك عليها ويقولها شكلك هتبقي زي الحماره وتولدي على سنه
واللي يقولها خليها في بطنك اهي مستريحه من هم الدنيا
واللي يقولها أنتي ناويه تعمليها مخلل جوه ولا اي
وكلام كتير وطبعاً كل ده كان بيزعلها ويخلي نفسيتها تحت الصفر
دي حتي الدكتورة قالتها إني سابته مكاني ومش عايزة الف علشان اخد وضعية النزول
وكاني كنت بعاندهم علشان مش انزل ولما خلاص جابت آخرها من التعب قررت تولد قيصري علشان كان خلاص فاض بيها
وجه اليوم الموعود اللي خلاص هاجي فيه للدنيا ويالا بينا نعرف ايه اللي هيحصل
💮💮💮💮💮💮💮💮💮💮💮💮💮💮💮
ناريمان وده اسم ماما هي حاليا عندها 38 سنه ومش بتشتغل ربت منزل يعنى
بشرتها بيضه بس مش اووي يعني عنيها لونهم عسلي وأحياناً بيقلبوا يبقوا لونهم قريب على الأخضر إزاي مش عارفه بس هي كده سبحان الله
شعرها طويل وناعم وهي كمان طويلة بس الطول الحلو ده مش اللي عامل زي الزرافة 😊
ونادر اسم بابا عنده 40 سنه وبيشتغل دكتور اسنان
أنت تقرأ
نيلي في الفضاء
Humorبطلتنا غير كل الابطال، مرحه ومجنونه وبتحب الحياه،كل حلمها إنها تطلع الفضاء، ورغم إن اهلها رفضوا حتي دراستها لعلم الفلك إلا إنها هتطلع الفضاء ازاي، هتعرفوها لما تقرأوا الرواية
