نيلي في الفضاء

الفصل الثالث عشر

الفصل الثالث عشر ( المريخ )

نيلي في الفضاء

# لما نزل الموت بالعابد الزاهد ..
" عبد الله بن إدريس " ..
اشتد عليه الكرب ؛ فلما اخذ يشهق ..
(( بكت ابنته )) ..
فقال :
يا بنيتي لا تبكي ..!!
فقد ختمت القرآن ..
في هذا البيت أربعة آلاف ختمة ..
كلها لأجل هذا المصرع ..
ونحن ماذا سنقـول ؟!
ماذا..للأسـف..؟!
ختمنا المسلسل الفلاني 5 مرات
ختمنا الأغنية الفلانية 7 مرات
هجرنا القرآن مرات وكرات
عقوق ٌوعصيان وضياعٌ وخسران
{ نسأل الله العفو والعافية }

اللهم ردنـا إليـگ رداً جميـلاً♥️🌼

❤️🌼❤️🌼❤️🌼❤️🌼❤️🌼❤️🌼❤️🌼❤️🌼

في المستشفى

طبعا الدكتور إللي متابع حالة نيلي بلغ البوليس إن في وحدة اتعرضت للاعتداء .

وبعد فترة جات الشرطة واخدت اقوال ناريمان ونادر ومشيره  والدكتور ، وبدأوا يتحركوا علشان يقبضوا على
حسام واميمه وموده .

ناريمان كانت قاعده في ركن من الاوضه بتصلي وتدعي لبنتها إنها تقوم بالسلامه ، وعينيها مش مبطله عياط،

دخل نادر إللي كان بيجيب آكل لمراته لآن بقالها فتره مش اكلت حاجه ولما لقاها بتعيط رحلها وقعد جنبها وقال.

نادر : مش كفايه عياط يا ناري..

ناريمان بعياط : مش قادره يا نادر ، كل ما افتكر كلام مشيره ووليد والدكتور ، وابص على بنتي الاقيها نايمه لا حول ليها ولا قوه ، مبقدرش استحمل ، ده غير إنها وحشتني اووي ، وحشني حضنها وصوتها وريحتها وضحكتها ، نيلي وحشتني اوي يا نادر 😭😭😭..

نادر : لا حول ولا قوه الا بالله، ومين قالك بس إنها مش وحشتني انا كمان ، بس لازم نصبر ، ده ربنا سبحانه وتعالى قال بسم الله الرحمن الرحيم

: ﴿ يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ ﴾ [البقرة: 153].

وقال جل وشأنه: ﴿ مَا عِنْدَكُمْ يَنْفَدُ وَمَا عِنْدَ اللَّهِ بَاقٍ وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ ﴾ [النحل: 96].     صدق الله العظيم.

بقلمي مي محمد

يعني لازم تصبري ومش تيأسي من رحمة ربنا .

ناريمان: ونعم بالله يا حبيبي .

نادر : طيب يالا بقي تعالي علشان تاكلي ، انا جبتلك اكل.

ناريمان : لا معلش يا حبيبي ، كل انت انا ماليش نفس.

نادر : يا ناري إللي بتعمليه ده مش هينفع ، طيب يرضيكي نيلي لما تفوق تلاقيكي بقيتي بالشكل ده .