نيلي في الفضاء

الفصل السابع عشر

الفصل السابع عشر
تفـائلوا ففي الصُّبحِ تحلو الحياة وتشـرقُ شمسٌ مـن الأمنـيات تبـسّموا ففـي العـمرِ حلمٌ سـيأتي
ليجلو عـن القلبِ بعـض الشتات

اللهم
نسالك محو الذنوب
ۆستر العيوب ولين القلوب
ۆتفريج الهموم ۆتيسير الأمور
ۆاكتب لنا يا رب خيري الدنيا والآخرة

اللهم بك اصبحنا

👉👈👉👈👉👈👉👈👉👈👉👈👉👈👉👈

في كافتيريا المستشفى ، ناريمان ونادر كانوا قاعدين ، وبيشربوا قهوه ،

نادر : مشيره واصحابها جايين النهارده علشان يطمنوا على نيلي.

ناريمان : ااه مشيره قالتلي امبارح ، وانا قولتلها ماشي .

نادر : طيب يا حبيبتي مش ناويه ترجعي البيت ترتاحي شويه ، وانا هفضل هنا مع نيلي.

ناريمان بحزن : لا  ، انا هفضل هنا ومش همشي غير وبنتي معايا ، ولو الدكاترة مديقين من وجودي انا هقعد في الشارع ، بس مش هرجع البيت غير وبنتي معايا 😭😭

نادر : يا حبيبتي ، محدش مضايق ، بس انا اللي عايزك ترتاحي ، إنت بقالك شهر في المستشفى ، وبنزلك الكافتيريا بالعافيه علشان تغيري جو ، وبعدين كفاية عياط بقي يا ناري ، انا مش هقدر استحمل إن إنتي كمان تجرالك حاجه .

ناريمان وهي تمسح دموعها : حاضر يا نادر ، مش هعيط تاني.

نادر : طيب يا ناري انا ......

بقلمي مي محمد

قاطع كلامهم دخول مشيره واصحابها .

مشيره : السلام عليكم ورحمه الله وبركاته

رد الجميع السلام ، وسلموا على بعض .

مشيره : نيلي عامله ايه النهارده.

نادر : زي ما هي ، مافيش جديد ، وكأنها رافضة ترجع للدنيا تاني ، الدكتور بيقول إنها حاسه بينا ، وسمعانا، ولكن عقلها رافض إنها ترجع ، بيخليها تفتكر إللي حصل ، العقل الباطن هو اللي بقي مسيطر عليها .

ناريمان سمعت كلام نادر ، ورجعت تعيط من تاني.

مريم صديقه نيلي : كفاية عياط يا طنط ، إن شاء الله نيلي هتقوم وهتبقي كويسه، وترجع تطلع عنينا من تاني.

رغد : هههههههههههه ، دي نيلي هتنفخنا ، هتعوض إللي فات.
ناريمان سمعتهم وافتكرت المقالب إللي بنتها كانت بتعملها ، فقعدت تضحك.

مشيره : عارفه يا طنط ، إحنا وفي ابتدائي ، في مره كنا رايحين الحمام انا وهي ، ولما دخلنا الحمامات كان في بنت هناك ، راحت نيلي طلعت قلم من جيبها وكتبت على باب الحمام ( شوخي بالراحة ) وشدتني من ايدي واستخبينا ، والبنت لما طلعت ،وجت تقفل الباب لقت الكلمه مكتوبه على الباب فكرت إنها كانت بتعمل صوت ،وفضلت تعيط ، وكل ما وحده تدخل الحمام تشوف الكلمه ، تفضل تضحك وتطلع من الحمام وهي مش قادره تمسك نفسها ، لدرجة أن الصبيان استغربوا اي إللي بيحصل في حمام البنات ، وكانوا عايزين يدخلوا يشوفوا في اي بس خافوا من المدير علشان كان صعب .