الفصل السادس ( القمر )
نصلي مع بعض ثم نصلي على بعض، فلماذا نحقد على بعض ويغتب بعضنا بعضا، ستعيش مرة واحدة على هذه الأرض، إذا أخطأت إعتذر، وإذا فرحت عبر، لا تكن معقدا والأهم لا تكره ولا تحقد ولا تحسد فربما تأتيك دعوة من قلب أحدهم لا ترد.
كن جميل الخلق يهواك الخلق...
#تأملوها #جيدا
🍃🌸•┈┈• ❀ 🌴 ❀ •┈┈•🌸🍃
نامت نيلي بعد ما هزرت مع مامتها ولففتها الشقه وراها
وبعد شويه حست بحاجة بتلحس في رجلها فقعدت تكلم نفسها ،
هو إيه اللي انا حاسه بيه ده هي ناريمان بتنتقم مني ولا اي ولا يكون بابا نسي يجبلها الايس كريم اللي بتحبه فهي وداخله الاوضه عندي استهيئلها إنها ايس كريم فقالت اخد لحسه، لا مانا لازم انفد برجلي
هو انا هفضل اتكلم مع نفسي واسيب ناريمان تلحس فيها وبعيد تقولي ياام رجل ملحوسه ،لا قومي يا نيلي وقامت نيلي علشان تتصدم باللي شيفاه قدامها .
نيلي : نهار اسوووح هو اي اللي انا شايفه ده طيب هو ده كلب لا الكلب شكله مش كده ده جسمه عامل زي الكوره وبعدين ده عنده ايدين ورجلين صغيره وكمان مناخيره عامله زي زلومه الفيل،
عااااااااااا يا ريتك كنتي ناريمان يا صغيره على الموووت يا لوزه يالهوووووووتي الحقني يا نادر الحقيني يا ناريمان عااااااااا ،وهي تجري والكائن ده يجري وراها ويقول كلام مش مفهوم @$&#@&:
لغاية ما اتخبطت في حاجة قدامها ووقعت على الارض وهي ماسكه دماغها،
اااه يا دماغي ياما ده اي الحيطة اللي اتخبط فيها دي ،بس الحيطه مش عندها رجلين ولا لابسه هدوم قصيره ولا تكون الحيطه بقت ماشيه على الموضه هي كمان نيهاهاهاها 😂😂،
بقلمي مي محمد
ورفعت دماغها علشان تلاقي بنوته جميله شعرها ناعم ومفرود على ضهرها نصه ابيض ونصه اسود وعنيها لونهم اسود بشرتها سمرا وفيها زي نمش كدا، بصتلها وقالت اووبا اي الصاروخ ده وانا اللي كنت مفكره نفسي حلوه ده انا جتني وكسه ده انا المفروض اروح انام في اقرب قبر ،
وفجاءه البنت دي اتكلمت. مش كفايه كلام بقي ولا اي
نيلي : ااااانت مين وانا فين واي الكائن اللي كان بيجري ورايا ده
البنت : اولا: انا اسمي قمر
ثانيا : ده مش كائن ده حيوان اليف واسمه ( بوتي ) زي الكلب اللي عندكم في الارض كدا
ثالثا : وده الاهم إنت دلوقتي على القمر
صدمه ذهول هي قالت إنها على القمر ولا هي مش سمعت كويس، نيلي بصوت مرتعش ،انت قولتي انا فين
قمر : انت فوق القمر وانا ملكة القمر وكنت قاعدة انا وبوتي لغاية ما شوفناكي فبوتي جري عليكي وكان عايز يرحب بيكي .
أنت تقرأ
نيلي في الفضاء
Humorبطلتنا غير كل الابطال، مرحه ومجنونه وبتحب الحياه،كل حلمها إنها تطلع الفضاء، ورغم إن اهلها رفضوا حتي دراستها لعلم الفلك إلا إنها هتطلع الفضاء ازاي، هتعرفوها لما تقرأوا الرواية
