" من فرط الصعوبة في الحصول على كلمات تصف شعور ما ، نتمنى لو انهم يرو"
____________________________
لتين:: دائماً اشكر رب العالمين على نعمة وجود اخواني لأن بدونهم ما اسوة شي
بقو وياي يضحكون ويسولفَون في سبيل انسى الشي اللي مضوجني وما اخلي بالي يمة
رواد :: يلة كافي ضحك وسوالف كومي صلي وأكلي حتى تحضرين دروسج يلة حبابة
عزيز :- اي صدك اني هم عندي امتحان نسيتوني يلة اودعناكم من تخلصين ويصير عندج مجال تعالي يمي بالغرفة علمود انضملج جدول الدراسة مال الامتحانات مالتج
لتين :- يلة لعد اكوم اتوضى واصلي وأكلي لكمة وابلش بواجباتي اذا خلصت امرلك عزوز ماشي
عزيز :- ماشي "
لتين :- طلعو الوالد واني رحت للحمام توضيت
َواجيت فرشت السجادة وكمت اصلي خلصت ودعيت ربي ينطني صحة وعافية ويحفظ اهلي واخواني وخليلي اياهم
نزلت اشوف امي وهم اسئلها شسوي عشة حتى اكل واروح اقرأ رحت للمطبخ لكيتها مطلعة ككبب ودا تگشر بتيتة ومخلية طواة بيها طمامة گلي ع النار الريحة تشهيي
ها يوم الله يگويج
ام رواد :- يبعد امي شلون صرتي يمة خما تحسين بشي گلبي مثل النار عليج العصر جيت اصعد لج ولكيت خوانج يمج كلت همة يهتمون بأمرها وهسة بعد ما نزلتي أثبت كلامي صحيح
لتين :- لا والله يوم الحمدلله تحسننت عزيز ورواد ماخلوني لوحدي اروحلهم فدوة
رواد :- واني هم اروحلج فدوة
لتين:- يمااااا فززتني عابت
رواد :- هههه شبيج خبال ان شاء الله
لتين:- رواد بطل هل مشي عبالك نملة الوحد ميحس غير وانت مفززة
رواد :- شسويلكم انتو متحسون اني امشي طبيعي اصلا
لتين :- اي اي طبيعي
اكلج ماما اشو خلي اسوي الزلاطة قبل لايجلطني ابنج،، كمت اطلع طمامة وخيار ولهانة طلعت وغسلتهم بديت اثرم وهوة وامي
يبسبسون ماسمع شنو يحجون
_____________________________
ياسمين :- يممممةةةة عليج الله خلي اروح شنوهاي انتي كلتي نخلص شغلنة وروحي هسة خلصت شغل وحتصير بل ١٠ واني مارايحة اوفففف
ام عمر :- يمة عمرر كوم وصل اختك لبيت خالتك وخلصني من النگ مالتها كون لأحد يوعدها بشي دهر فرج اي والله ..
عمر:- يمة رحمة لموتاج روحي وديها انتي
مالي خلگ واصلاً مهند ماكو يعني مستحيل اروح اوديها لبنتج المصون لان اذا رحت لازم اكعد والكعدة الـ مابيها مهند ماتحلة..
ياسمين :- گبر اي والله وشبي رواد اروح فدوة لطولة مدري شبيهم ع مهند هوة واحد غثيث
فوكها كلها تحبة عووع(احجي بگلبي")
أنت تقرأ
"على أرض بغداد"
Romanceماذا لو كان أول لقاء لنا في بغداد؟ تحت ظل النخيل ثم تمسك يدي بقوة وتأخذني لمقهى الشابندر فـ نحتسي القهوة العراقية المرة ك مرارة أيامي بعدك ! ثم نسافر معاً لأرض المُتنبي المليئة برائحة الكتب القديمة ثم نستمع لأغنية ميحانا ميحانا .. غابت شمسنا .."...
