ماهَزك حَنين و يوم تِشتَاك
ولا گلبك يَسألك صَاحبك وين؟
-عـلقو بين الفقرات لُطفاً + لاتنسون التصويت ✨
___________________________________
لتين :- عفتهم مختبصين
وصعدت لغرفتي خليت الحلويات بالجرار واخذت تلفوني ردت اتصل على مهند اشوفة وين صار هو أنجيلا اتأخرو شفت مسج من رميـم، فتحتة
قريت الكلام مرة وثنين وتلاثة
وعلى اساس قررتت ، انهي كُل شيء .
مَـر كم يـوم وبلشنة نتجهز لـعرس خالي يُـسر
انخبصنة كُلش وفوك كُل هذا لازم اتحمل كلام
هاي وذيج لأن اغلب خوالي الي راحو للشمال اجو عدنة وتوزعو بين بيوتنا وهالشيء زاعجني
نزلت جانت ساعة وحدة ونص باليل بعد كم ساعة نگعد علمود نتجهز للحنة مو كُلنا حنروح اني مراح
اروح وياهم راح ابقى هنا نزلت سويت گهوة وگعدت بالحديقة اشرب واباوع على ورداتي كفخني عطرهن
ورجعني بذكرياتي لورا لورا كُلش ،اختنكت لان تذكرت ابوية الله يرحمة هو زرعهن الي من جنت بثاتي متوسط جابهن الي كُلش انقهرت كمت وگفت اريد ادخل جوة لگيت حيدر ابن خالي يحيى واگف يباوع
عليّ ، تحمحمت و مسحت دوموعي ها گاعد
حيـدر :- ها أي ردت اشتم هوى خنگونة بچگايرهم
لـتين :- اگعد اخذ راحتك اني حدخل جوة
حيـدر :- لا أبقـي
لـتين :- نعم ؟
حيـدر :- أگول ابقي ، نسولف ضوجة
لـتين :- نعسانة اعذرني تصبح على خير ، عفتة
ودخلت ما ناقصني كرهت خوالي كلهم عدا
خالي يـُسر غسلت كوبي وصعدت لغرفتي فتت بالگوة
نايمت البنات على الارض افتقدت أنجيلا ، بعدين اتذكرت هي عدها جدول ويا مهند ميخليها تجي اذا مينام تغطيت ورحت بنومة ما گعدت آلة على هوستهن ديبدلن وناس تصيح على ناس گعدت ارتجيت على تاج الجرباية باوعت عليهن ، يمعودات
شسالفة ماكو إحساس
رحيق:- لا گومي أصلا عمة اجت عليج كالت من تگعد تجيني اريدها
لـتين:- تأففت وگمت لميت شعري ولبست صايتي
ونزلت راسي مصدع شفت امي دا تگطع لحم هي وزوجات خوالي وياسمين واگفة على السنك انصدمت
ياسمين وتشتغل ببيتنا هي أصلا من سالفة عمر بعد هواي تغيرت او يمكن لان تشوفني اني اصدها ، حقي مدا اتقبلها كذبت عليَّ ، اوو مو هذا موضوعنا ، سلمت
ورحت على امي ، ها ماما رايدتني
ام رواد:- أي يمة هاي الاكل للعشة راح تبقى خالتج سهى وخالتج ابتهال هنا مايجن ف انتِ تساعدينهن
وتسون العشة وهذا الگدر للغدة وشاهين انبقي يمج
لـتين :- من گالت شاهين انبقي يمج ، گلت بگلبي
علمود تاخذ راحتها وتصور بكيفها ، ماشي ماما صار
عبد العزيز :- لتين تعالي شوية
لـتين :- ها حبيبي
عبد العزيز :- اكويلي هذا القميص فدوة لهل الطول
أنت تقرأ
"على أرض بغداد"
Romanceماذا لو كان أول لقاء لنا في بغداد؟ تحت ظل النخيل ثم تمسك يدي بقوة وتأخذني لمقهى الشابندر فـ نحتسي القهوة العراقية المرة ك مرارة أيامي بعدك ! ثم نسافر معاً لأرض المُتنبي المليئة برائحة الكتب القديمة ثم نستمع لأغنية ميحانا ميحانا .. غابت شمسنا .."...
