"على أرض بغداد"

part 18

..  على ارض بغداد..
_____________________

_______________________
احَلف
ما اجيب اسمَك
وابآوع لَني حَآلف بيك
___________________________

شيلمنة !
بعَد كِلمن مَشة بدربة
واحد يضحك
و واحد وكف گلبة .

------------------------------

لا چن گعدنا سوه ولا چن حچيت وياك
عليتني للسما وهديتني من هناك .

---------------------------------------------

لـتين :- من بعد موقفي ويااا عمر واضطراب المشاعر وخربطة روحي وجنت بنص الامتحانات قررت انسى
كلامه حالياً واركز بدراستي احسن شي ولو جان شي
بداخلي يفز من يذكر كلامة ونضراته ولهفة الحب

بس اني متحطمة من الداخل روحي تعبانة گلبي متهشم
وابد ما اگدر انطي أمل لـ عمر لو بنسبة واحد بالميه

اني ماعرف شنو اريد ولا اعرف بشنو احس ماريد اضلم
احد وياي وقررت ابتعد وما اشوفة نفسي أبدا رغم
جنة اني ويا عركك وواحد يبسر للثاني وعلاقتنة جانت
هيج ديج ودجاجة واحسه مثل اخواني ابد مجنت انضرلة غير نضرة ولا احس عليه انو هوَ جان يحبني

- يمعودة صااار ساعه احجي وياج هيووو لتينن

- هاا ياسمين شتردين روحي بخشمي احجيي

- بيمن صافنه يمعودة ديفوتون للقاعات امشي يلا بسرعه

- عزززا اي ولله مجنت صافنه دا اراجع متشوفين الكتاب
بأيدي

- لا واضح تراجعين امشي امشي

- مشينا للقاعه وجنة اني وياسمين بنفس القاعه
وهذا الامتحان ما قبل الاخير

وهاي ياسمين خايفة تخاف لتروح متجاوب لأن الله
يسلمها مكضيتها تسخت شكدد تحب تضيع وقت

كعدت بمكاني وهم ارتباك الامتحان جان مسيطر عليه
بس جنت اردد سورة الانشراح امي دائماً توصيني اقرها
قبل لاتجي الاسئلة ودائماً اجاوب

جابو الاسئلة اتنهدت بارتياح من شفتها سهلة
ومابيها صعوبه

رفعت راسي اباوع لياسمين هم وجهه مستبشر بخير
ودا تحل

كلت بسم الله وبلشت ..

ياسمين:-
خلصت امتحان ونطيت الدفتر للمراقبة
اباوع على لتين مندمجة تكتب عزا بعينها دا تسج
بخيته والله خليت وطلعت رحت لصديقاتي ضلينا
نحجي على الامتحانات ومن نخلص شلون حنبلش
نقرا للسادس وناس تنصح بناس على الأساتذة الزينين