"على أرض بغداد"

part 28

على ارض بغداد

(لاتنسون النجمه وتعليق على المشهد الي يعجبكم )

____________________________________

وهما اجو وراي صعدو ثنينهن ساكتين واني بس شهگاتي طغن على المكان

بعدني بنص حزني اتصل تلفون عُـمر رد ماسمعت بسس شخطت السيارة وراسي ارتطم بالكشن الگدام وصرختَ وهو يگول

عـُمر :- ياطب عدلي متأكددد أنتَ ؟؟؟؟؟
يالله جاي جاي

رواد :- شكوو شبيك جان گلبتنة

عـُمر :- خالي بالطب العدلي

لـتين :- شنوو شنوو خالي وين انت مو تگول عندة انذار شجابة هنا رواد گول شيء

رواد :- اسمعي يابة احجي أنتَ شداتمسلت

عـُمر :- واحد اتصل يگول هالجهاز چان لواحد هسة هو بالطب العدلي هاي غراضة شنو امسلت ؟؟ بعد

رواد :- انت شوكت حجيت ويا

عـُمر :- اليوم الفجر وچان على اطراف صلاح الدين قريب قاعدة الطيران مال بلد

رواد :- شنو يعني خالي استشهد لا تگولها يمعود ولله امي تنجلط

لـتين :- بقيت صافنة بس شهگتي ملازمتني كل ذكرياتي ويا مرت على بالي حنيتة علية حبة الي
اهتمامة اذا صدگ صارلة شيء يمكن اموت ما اتحمل
عـُمر يمشي سريع يمكن على دقيقة احنا نسوي حادث

هو َ چان بمدينة الطب لما وصلنا اني انتهيت هما حتى نسوني من شافني رواد ضرب على گصتة وكال

رواد :- المفروض نوديها للبيت

عـُمر :- لا خليها تروح تفضح السالفة خلي نتأكد

لتـين :- گالها وهو يحاول يتصل برقم خالي الثاني والثالث وماكو ميجاوب اتصل بالعميد مالتهم ومجان عندة علم بشيء رجع اتصل برقم خالي الي عرف منة الخبر گاللهم على المكان الي هو بي مشينا واني رجلية احس مدا يشيلني صعبة ولله احس گلبي راح يطلع من مكانه وصلنة يم الرجال سلم عليهم وطلع ممرض عادانطى الغراض جانن هويتة والباج باكيت جگاير وجداحه وساعة محطوطات بجيس شفاف

بس شفتهن شهگت ونزلن دموعي واحس اختنگت
گعدت بالگاع وگمت ابجي رواد اباوع علية گوة لازم نفسة

عـُمر :- مشكور اگدر اشوف الجثة ؟؟

المُمرض :- اكيد سيدي تعالو منا بس اروح اجيب موافقة واجي

لتين :- عُمر سوة حركة براسة بمعنى اي وباوع على رواد ورجع باوعلي جان يگول

عـُمر :- گومي أن شاءلله ماكو شيء

لـتين :- رديت علية واني ابجي ، شلون ماكو شيء واحنه حنشوف جثتة ماتحمل افهمو اذا صارلة شيء
اموت ولله