"على أرض بغداد"

part 14

(على أرض بغداد)
.
.
.
.
.
.

ثنين جانو الك ..
وماكو بحياتك فقط !
انه ونظر عينك ، وعينك درتها ورحت
ولاچني منك چنت ، وبكل سهوله خسرت واحد من ثنينك ..

لـ جبار رشيد

.........................................................................

نزل على ايدي ونضراتة تتوزع على وجهي باس ايدي

من شواربة لامسن ايدي جسمي قشعر

غمضت عيوني وحجيت

عمر شدا تسوي !!

-أحـبـچ يدمع عيوني أحبـچ ينبضة گلبي

- عمر ايدي عوفها اريد الدكتورة بطني توجعني

- يجعل الوجع صابني يروح الروح هسة تجي شبيج
انتِ باعي علية ليش هيج خايفة ماسويلج شي ..

- مدا اخاف بس لا احد يجي زحمة هيج كاعد قريب علية ..

- و مو زحمة من اني توني يلا دريت نفسي عايش مو زحمة توني يلا اخذت نفس توني يلا مشى الوقت يمي
مو زحمة هذني

لتين أحـبچ تعرفين يعني شنو أحـبچ

وهسة اريد تصيرين زينة حتى اسئلج كم سؤال واريد
تحجيلي كلشي بالتفصيل خوش وليدي ؟

- شحجي يعني

- كلشي صار وياج الحادث كلة تحجينة لاتنقصين حرف
ولا تزيدين

- ماشي بس الدكتورة عمر دا اموت كلتها وعضيت شفتي بألم وعصرت ايدة الي جانت كامشة ايدي

كام وكالي

- هسة اشوفلجيها وين راحت هاي اتحملي وليدي انتِ
قوية

-هزيت راسي واني ألم گطع احشائي

طلع عمر واني ألالم موتني تحركت من مكاني اريد
اوكف ضهري نقسم نصين كل جزء بجسمي يوجعني

طلعت المغذي من الكانولة شلت الشرشف نزلت رجلية

أني لابسة ملابس شبه ملابس  باردلتي كلش لامست
رجلية الارضية سيراميك باااردة باردة وصلت البرودة
لعضمي

استقاميت اخذت نفس من الألم الي داحسة مشيت خطوتين

حسيت شي حار نزل على رجلية باوعت جوة دم الأرضية نترست دم من شفت هيج حيل مبقى عندي

كعدت بالأرض بطني دمرتني كمت أأأن نفتحت الباب اجة
عمر تخبل شافني هيج نخبص خبص كام يصيح

اني بعد من كثرة الوجع فقدت روحي راحت
.
.
.
عمــر :- رحت رجعت لكيتها غركانه بدمها كل ذرة بية
نشلت من لتمو عليها الممرضات ورجعوها لمكانها وطلعوني

اريدددددد بسسس افهممم ليششش هالنزففف شبيههااا

شبيهاااا شسوولهاااا الكلاب الگوااااااويد اخخخخخخ