"على أرض بغداد"

part 16

..على ارض بغداد
.
.

.
.
حنيت
لو للهو تسأل
على اخباري
اشتاگيتلي
تندمت
لو هيج بس
للّعب تتحارش
بناري
امن بعدني انچوي
وتشوفني شگد قوي
مرات ابچي بجرح
ومرات على الطاري
ومرات انطرك ثلج
وانا الشمس خصمي
لك والله اعشگك عشگ
مو تجري ويا دمي
ماشايفك من فتت
بالدنيا گبلك صرت
بس چني من فتحّت
شفتك گبل امي .

_____________________________

- بعد بجي ليلة البارحة نمت وتمنيت ما اكعد تحركت
عبست وجهي اذتني ايدي البيها الكانولة

زفرت بقهر شوكت اطلع ياربي مو طگت روحييي

رفعت راسي اباوع على الساعة جانت 10الصبح

اريدد احد من اهلي وينهم اففف جيت اكوم

نفتح الباب وفات مهند

- هاااا لكك خاين شنو يكولون ماتريد احد

- مشتاقتلك ولله كلتها وهوة تقدم حضني
وباسني براسي يروحي فدوة لعمرك

- شلونج هسة احسن أن شاء الله

- لا الحمدلله بخير بس هاي رفعت الردان
وبرطمت حجيت باع هاي جسمي اغلبه هيج
واطوخ

- سهلة يولي خبلة ادري قابل مرض مستعصي
هوو شوي حساسية

وحجزنالج يم دكتورة

- اي

- شبيج گلبتي جهرتجج ردت ابشرج بس مو مال
بشارة انتِ

- شنوو احجي ترا طافرة روحي

- بعد ساعه نسوي باايي للمستشفى ونروح للبيت

- ووولله واخيرااااا الحمدلله حتى رواد

- اي حتى رواد

- اييي زين اكوولك

- كولي عيني

- اريد اروح على رواد مشتاقتلة يااااا صدك
عزوز ويننن

- بسم الله وحدة وحدة عزوز راح ويا امي وابوية
ع البيت واني وخالتي بقينة بس دزيت خالتي لبيت
خالي نسر تريد تروح على ياسمين تكول متكعد هاي

- هممم مشتاقتلها العوبة

- يووو شسوت عليج دمرت روحها تحبج حيل

- اعرف حتى اني احبها ولله يلااا مهند
اريد اروح على رواد

- كومي يلا

- جرني على كيف وللمرة الثانية دختت
ونعدمت الرؤيا عندي لزمت ادينه لمهند
قويي وغمضت سرعت انفاسي حس علية وحجة