- طـلعنة من بيتنا متوجهين لبيت خالتي بعدها الرعبة
بگلبي ولله كُلش خفت الله ياخذهم يتقاوون على نسوان طيح الله حض هيج زلم
وصلـنة لبيت خالة نزلت ونزلت امي سندها رواد
واني اخذت الجنطة شلتها استقبلنة عزوز
اخذ امي يحجي وياها ويشاقة اني رميت الجنطة ورجعت للسيارة تلفون امي بيقة هناك جانت مقفلة
توني درجع على رواد لگيتة وراي گلبت وجهي وهو هز ايدة
فتحلي السيارة باوعت تلفون امي على الكشن باقي اخذتة وجيت ارجع لزم ايدي عتها حيل باوعتلة بخزرة
رواد :- وسم لتباعين هيج افگسهن هي
ياسمين :- بگلبك وخر ماتستحي
رواد :- هااااا
ياسمين :- اي استغلالي
رواد :- داتجفصين ترا ، اني مجان قصدي مو نبي گدامج اعترف غلطان وغلطتي جبيرة وبطلي تجاوز عيب مو بگدج اني اعتذرت منج كافي ليش تتجاوزين وتجفصين ببطني شنو استغلالي ؟
ياسمين:- حجة حجة خلا وراح انقهرت من نفسي صدك جفصت ببطنة هو مجان قصدة غلط اي اعتذر وفشل من روحه شكو جلبت اني اهوو
دخلت للبيت أمي كاعدة بالصالة هي وخالة
كعدت بصف امي اسمع خالة تگول همة على وصول
تذكرت لتين مو هنا رايحه للأنبار
ولله بقينة كاعدين وخالة قلقة على عمو طالع من الانبار بليل ولحد الان متدري بي وين يتصلون ومغلق
مر وقت ورواد ما نزل خالتي تسئل بأمي على هذولة الي دخلو لبيتنا وامي تگول كلة من شغل ابني يوم يوگعنا بمصيبة
شوي ودخلت لتين ومُهند گامت خالتي تهلي بيهم
وتبوس ب مهند وعاافت لتين ومُهند يغمز لـ لتين ويسويلها حركات بحوااجبة عود لأن خالة عافتها وراحت على مُهند
گامت تكمز رغم مبين عليها التعب بس الغيرة مخلتها
امي صاحتلها باستها وتمسح على شعرها وتسئل بيها وخالتي للأن مجلبة بمهند انوب هو مبين ضاج هههههه
يگللها يمه اعتقيني عليج الله
وهي ماكو سلمت على لاين وكعدنة وهي مطنگرة اخر شيء گالت
لتين :- ماما ولله مو عدل حتى ماگلتيلي الحمدلله على السلامة شنو بس مهند تحبي بس هو بس
أم رواد:- يايمة احبكم كلكم بس هذا بعيد عن عيني اشوفة بالحسرة مايجيني تعالي حبيبة امها تعالي
واخذتها بحضنها تبوس وتسئل عن حالها
كامت خالة تسوي عشة اتصل عمو بيها گال جايب ويا ضيوف وهو باالطريق على وصول
گاعدة بغرفة لتين تغير ملابسها وتحجيلي على الانبار تحمسست اشوفها
لتين :- حدايقهم تخبل ياسمين شكد حلو مساحتها جبيرة كُلش مو مثلنة حتى بيتوهم تختلف مو مثل هنا
أنت تقرأ
"على أرض بغداد"
Romanceماذا لو كان أول لقاء لنا في بغداد؟ تحت ظل النخيل ثم تمسك يدي بقوة وتأخذني لمقهى الشابندر فـ نحتسي القهوة العراقية المرة ك مرارة أيامي بعدك ! ثم نسافر معاً لأرض المُتنبي المليئة برائحة الكتب القديمة ثم نستمع لأغنية ميحانا ميحانا .. غابت شمسنا .."...
