အစ်ကို့ရဲ့ချိုင်းထောက်လေး~3
ဝမ်ရိပေါ် တစ်ညလုံးအိပ်မပျော်ခဲ့ဘူး။အစ်ကိုကအနားကပ်ဖို့ သူထင်သလောက်မလွယ်ဘူး။
ခေါင်းကြည်အောင် စီးကရက်တစ်လိပ် လက်ကြားထိုးပြီး မြေညီထပ်ကို သွားဖို့ပြင်တယ်။အစ်ကို့ အခန်းကိုမြင်တော့ ဝင်ချင်စိတ်ပေါက်လာတယ်။
မာနခဲက ဒီနေ့ ထပ်လာရင် စိတ်ဆိုးမယ်ထင်တယ်။
ဒါနဲ့ ရပ်ကြည့်နေလိုက်တယ်။
ခံတွင်းချဥ်လာတာနဲ့ စီးကရက်ကိုမီးညိလိုက်တယ်။စီးကရက်ကို ဖွာရှိုက်ရင်းအစ်ကို့ အခန်းကိုကြည့်နေတုန်း
ဟိုမိန်းမရောက်လာပြီးသူ့ကိုတစ်ချက်ဝေ့ကြည့်သွားတယ်။Public area မှာ ဆေးလိပ်သောက်နေတာကို မကြိုက်တဲ့ပုံဘဲ ။
''ရောက်လာပြီလား။''
''ဟိုနေ့ကliftထဲက တစ်ယောက်က မျက်နှာချင်းဆိုင်အခန်းမှာနေတာလား။''
''အင်းဟုတ်တယ် တွေ့လာတာလား။''
''သူ့ကြည့်ရတာ တစ်မျိုးဘဲ။''
''သဘောကောင်းပါတယ်။''
မေလီ ပုခုံးပင့်ပြလိုက်တယ်။သူမှမသိတာ။
''Bell..''
ဆိုဖာမှာထိုင်နေတဲ့ ရှောင်းကျန့်က
ထမလို့ပြင်တယ်။မေလီတားလိုက်ပြီး
''နေနေ ငါဖွင့်လိုက်မယ်။''
တွေ့လိုက်ရတဲ့လူကြောင့် မေလီ မျက်မှောင်ကြုပ်မိသွားတယ်။ထိုလူကလည်းသူ့ကိုပြန်စူးစိုက်ကြည့်နေလေတယ်။
''ဘယ်သူလဲ။''
အထဲကလှမ်းမေးနေတဲ့ရှောင်းကျန့်ကြောင့် မေလီ ဝင်ပေါက်ကနေဖယ်ပေးလိုက်တယ်။ထိုလူကအထဲဝင်သွားလေတယ်။
''အစ်ကို။''
''ရိပေါ်။''
မနေ့က စိတ်ဆိုးပြီးပြန်သွားတဲ့ရိပေါ်က ဘာမှမဖြစ်သလိုဘဲ ရှောင်းကျန့်ဘေးဝင်ထိုင်တယ်။
ရှောင်းကျန့်ကို အနည်းငယ်နေရခက်စေတယ်။
''အစ်ကိုဘာစားပြီးပြီလဲ။''
''အာ.. မစားရသေးဘူး။ မေလီဝယ်လာတဲ့ ဆန်ပြုတ်စားမလို့။''
''အင်း..မနေ့ညကရောအိပ်ပျော်ရဲ့လား။''
ဝမ်ရိပေါ်က မေးခွန်းတွေမေးရင်း phoneထုတ်ပြီး gameဆော့ဖို့ပြင်တယ်။
