အပိုင်း (၄)
Fresher welcome အတွက် သီချင်းလေ့ကျင့်ရန် သူတို့အားလုံး သီးသန့် အခန်းထဲကို ရောက်နေကြသည်။ ညီမိုးယံကတော့ ဂီတာတစ်လတ်ဖြင့် တဒင်ဒင်တဒေါင်ဒေါင် အစမ်း တီးခတ်ကြည့်နေသည်။ ဒေါင်းသက်ညိုကတော့ ထုံးစံအတိုင်း ဖုန်းသုံးလျှင် သုံး၊ မသုံးလျှင်လည်း ညီမိုးယံကို လှမ်းကြည့်လျက်သာ ရှိသည်။
" ညီ ငါတို့ ဘာ သီချင်းဆိုကြမှာတုံး"
" မင်းမှမင်းပဲ..."
"ဟမ်"
" လေးဖြူရဲ့ မင်းမှမင်းပဲလို့"
" ဪ အဲ့ဒီသီချင်း ကောင်းတယ်"
" မောင်လေးတို့ရေ..."
သူတို့နှစ်ယောက်စကားပြောနေစဉ် မကြီးရွှေလဝင်းတို့အုပ်စုသည် အခန်းထဲတောင် မရောက်သေး အသံကို အရင်ပေးသည်။ အသံကြားပြီး တစ်အောင့်လောက်ကြာမှ အခန်းထဲသို့ ပျာပျာသလဲ ဝင်လာသည့်သူတို့အုပ်စုကို တွေ့ရသည်။
" ဘာသီချင်းရွေးထားကြတုံး"
" လေးဖြူရဲ့ မင်းမှမင်းပဲ"
" ဝေါင်း! မိုက်တယ်ဟေ့!"
" ဒါနဲ့ ဒီသီချင်းက ရိန်း ရွေးတာလား၊ ဒေါင်း ရွေးတာလား"
" ညီ ရွေးတာ"
ဒေါင်းသက်ညိုက ထပြောလိုက်တော့ ထိုအစ်မကြီးများက ဝိုးခနဲ ဖြစ်သွားကြပြန်သည်။
" ဒါဆို ဒေါင်းလေးက ရိန်းရဲ့ဦးဆောင်မှုနောက်ကို လိုက်တယ်ပေါ့"
အစ်မသဲလစုက ဝင်ဖောက်လာပြန်တော့ ညီမိုးယံလည်း ဒေါင်းသက်ညိုကို ပြုံးလျက် လှမ်းကြည့်လိုက်ပြီး
" အဲ့သည့်လိုပဲ အသက်က ကျွန်တော့်ရဲ့ရွေးချယ်မှုကို အမြဲ ခေါင်းညိတ်နေကျဗျာ့" ဟု ဆိုလိုက်၏။
" အမလေး...အမလေး...ငါတော့ အခု fic တစ်ပုဒ်ကို live action တွေ့နေရသလို ပါပဲလား"
" ချိုလဆွေ နင် fic တွေ ဖတ်တာလျှော့သင့်ပြီ"
" နင် သိလား၊ ငါ မိုးမလင်းအင်ပါယာထောင်တော့မယ်ဆိုတာ"
အစ်မချိုလဆွေက ဆက်ပြောတော့ အစ်မအိလဖြိုးကပါ အလျှင်အမြန် ဝင်ပြောသည်။
YOU ARE READING
CTD [Completed]
Fantasyမင်းနဲ့ဆိုရင် သေမင်းကိုတောင် နားရင်းအုပ်ရဲတယ်။ မင္းနဲ႔ဆိုရင္ ေသမင္းကိုေတာင္ နားရင္းအုပ္ရဲတယ္။ Book Cover by Lucy Xellies
![CTD [Completed]](https://img.wattpad.com/cover/291809255-64-k282089.jpg)