بعد يومين انتقلت عايلة جاسم المرحوم للقصر بعد م شالوا اغراضهم واستقروا بالقصر ،،، ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ بقصر المرحوم جاسم بغرفة شيماء كانت تلعب بشعرها بدلع، واهي تكلم زوجها: ايه حبيبي ابيك تيي لي ببيتنا اليديد محمد باحراج: حياتي يمكن للحين م استقريتوا عدل، م اقدر ايي وانتو للحين م صار لكم يومين من انتقلتوا قاطعته واهي تتأفف: اووف حمودي لا تصير سخيف، بعدين انت زوجي والبيت بيتك يعني عادي، وانا حدي مشتاقه لك محمد: خلاص عمرري، راح ايي لجج صرخت شيماء: يسسس، راح انطرك حبيبي محمد ضحك: هههههه ان شاء الله سدت منه، واهي تتأمل غرفتها بقصرهم، قطت نفسها ع السرير الكبير والفخخم حيل، قعدت تلعب بشعرها واهي مو مصدقه اللي صار لهم، أخيراً صارت لها غرفة بروحها، بعد م كانت مع خواتها بنفس الغرفة اصلا اهي وافقت تتزوج، لان محمد من عايلة غنية، واهي كانت تبي تطلع من حياة الفقر وفوق جذي أصرت عليه يبني لهم بيت خاص فيهم، لأنها م تبي تعيش مع اهله، اللي اهم بس أمه وابوه واخوه عشان جذي تأخروا بالعرس، ومن غير طلباتها الباجية بسس معقولة راح تودع كل هالعز وتطلع من هالقصر تأففت بملل: اووف اصلا انا من قالي اتزوج بس قامت بدلع وبدت تعدل نفسها، قعدت تدور لها نفنوف حلوو وبعدها استقرت، ودشت تبدل ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رشت عطرها بكثافة، وطلعت شافت خواتها متيمعين بالصاله اللي فوق، دشت عليهم بابتسامه واهي تلعب بشعرها: هااي ي حلواات الكل طالعها: هاايااات وئام بدت بالحجي: شيووم شعندج كاشخة قعدت شيماء بدلع: حمودي راح ايي وئام: ايييه وانا اقول مو من عوايدج شيماء بغرور: لا ي روحي انا من يومي كشخه همس ابتسمت واشرت لها انها صاجه شيماء ارسلت لها بوسه بالهوا: فدييتجج انا بهاللحظة دش مازن: شيوم ريلج ناطرج براا قامت شيماء: بنات شلوون شكلي وئام: ههههه شنو مَو واثقه من نفسج مي بهدوء: لا بس عشان لا ينصدم حبيب القلب شيماء انقهرت منهم: اووف اصلا الشرهه مو عليكم عليي انا قاعده اضيع وقتي معاكم، ونزلت عنهم الكل: ههههههههههههه مازن ضحك وراح قعد يم همس وحاوط جتفها: شفتي اختج الهبلة، الله يعين محمد عليها همس ابتسمت واهي تأشر له؛ حرام عليك ضحك واهو يغمز لها: اقول هموس قومي بدلي ملابسج ولبسي لج ملابس رياضه همس عقدت حواجبها واشرت له؛ ليشش مازن: باخذج لمكان راح تينيين عليه قامت همس واهي تأشر بحماس؛ دقايق بسس راحت همس تركض، ووئام طالعت اخوها: بتشيلها صالة الرياضه موو مازن ابتسم: اييه مي: حبيبتي هموس راح تين صج عليها وئام: ايه والله، عاد اهي تموت بالرياضه مازن: اشش سكتوا ابي اسوي لها مفاجأة قامت غزلان اللي كانت هادية كالعادة من توفى ابوها: انا بنزل تحت طالعها مازن وهز راسه واهو للحين م يدري شيسوي معاها طلعت همس بحماس واشرت لمازن يقوم صفر مازن باعجاب اول م شافها: شهالحلااوه ي قمر همس احمرت خدودها حييل، كانت لابسة
