بمكتب المحامي بدر
تركي تفاجأ: بـ لندن
المحامي بدر هز راسه: اييه
مازن باستغراب: شلون، وليش اهي هناك
المحامي بدر: ابوك كان معاه أصدقاء أجانب، واهم اقنعوه يسوي هالشركة، عشان جذي اختار لندن
مازن: زين اهي بشنو تختص
المحامي بدر: بالمقاولات والبناء
مازن سكت واهو يفكر
المحامي بدر: واكيد لازم تروح هناك، وتشوف بعينك الشركة وكل شي يخصها
مازن طالع المحامي بدر وبعدها طالع تركي، يحس نفسه حيل مسؤول ومسؤوليته كل مالها وتزيد عليه
تركي ابتسم واهو فاهم رفيجه: م عليك ي بو جاسم، بعدين انا معاك وما فيها شي اذا رحنا للندن وبعدين هذي وصية ابوك
مازن هز راسه: ان شاء الله
المحامي بدر ابتسم: لا تخاف المرحوم حاط لكل شي حساب، واكيد م كان يبي يتعبك
مازن همس: الله يرحمه
تركي قام بابتسامه: يلا عيل قوم خنروح نشوف العمارة، عطلنا بدر عن اشغاله
المحامي بدر: ههههه لا افا عليكم، بس صج لو مو معاي جلسة، بتفرغ لكم بس مثل م تدرون
مازن وقف: ولا يهمك يخوك، كفيت ووفيت
تركي: ايه والله، الله يوفقك
المحامي بدر: يوفق الجميع، ايه صج مازن، وصلني خبر الشركة اليوم راح تدز لكم ٣ سيايير وخدامتين للبيت
مازن استغرب، صج م حسب حساب هالشي: اووكي مو مشكله، يلا عيل احنا نستأذن تامر بشي
المحامي بدر: سلامتكم، ديروا بالكم
تركي ومازن: ان شاء الله، استأذنوا منه وطلعوا
ببيت مشعل (بو حنين)
دش البيت واهو ماله خلق اي شي، قط عمره ع الكنبه واهو ينادي: سناااء سنوووه وصمخ
طلعت سناء: هلا والله حبيبي
مشعل: روحي سويلي قهوة بسرعة
سناء: زين م تبي غدا
صرخ عليها: قلتلج ابي قهوه بسرعة
اخترعت: ايه ايه ان شاء الله، طلعت سناء وراحت المطبخ: هييي سوي لابوج قهوة
حنين بطاعه: ان شاء الله
قعدت تنطرها واهي تتأفف
حنين: اقول عمتي قلتي لابوي عن السفرة
سناء ببرود: للحين
حنين: ليش، تدرين ماكو وقت علما ارتب أوضاعي
سناء: هيي لا تقعدين تحنين، خلصي شغلج يلا، وبعدين شلون تبيني اقوله م تسمعينه كله يصارخ تبينه يرفض انتي
حنين بخوف: لا لا، بس عفيه لا تتأخرين
سناء واهي تشيل عنها القهوه: ييبي بسس
طلعت سناء وحنين تنهدت، تخاف ابوها يرفض ويضيع الحلم وما تحققه، قعدت تدعي بنفسها ان اللي ببالها يتحقق
كانت قاعده يمه واهو يشرب قهوته: اقول حبيبي
مشعل بدون لا يطالعها: قولي
طالعته بكره، تكرهه بس مجبوره عليه وعلى العيشه معاه، اخوانها خذو كل شي تاركه ابوهم، واهي مالها شي، حتى اخوانها م يبون يشوفونها، عشان جذي متحملتنه ومتحمله القعده معاه، وغير جذي، تدري ان عنده فلوووس بس اهو خاشهم عن الكل، واهي كشفتهم بيوم وحدة
قامت من مكانها، وقعدت يمه واهي تمسح ع جتفه بدلع: حبيبي ابي اقولك ششي
طالعها واهو رافع حاجب، اصلا اهو حبها من اول م شافها، ودفع مبلغ كبير عشان اخوانها يوافقون، عشان جذي اهو الحين متحسف لانها خسرته هالمبلغ، بس يبيها، خصوصا لما يكون رايق، بس لما يسكر يطقها طق
ابتسم لها: قولي يعمري
ارتاحت من ابتسامته، لأنها تخافه لما يعصب: اممم ابي اطلب منك طلب، وما ابيك تردني
خاف تكون تبي فلوس، وصد عنها
سناء لما شافته جذي، بسرعه تكلمت: بنتك تبي تدرس
طالعها بسرعه واهو عاقد حواجبه: شنوو
ارتبكت بخوف: ايه حبيبي، تبي تدرس براا
طالعها باستنكار: ولا يكون انا اللي راح ادفع لها
فهمت قصده ولزقت فيه واهي تمسح ع صدره: لا حبيبي مو جذي، الدراسه مو عليك هذي منحة لها
مشعل: والمصاريف الباجيه، السكن والاكل والروحة والردة، خلها تقعد هني ماكو دراسة
سناء: حبيبي خل افهمك، انت م راح تدفع شي، بالعكس اهي اللي راح تدفع لنا
طالعها باستغراب: شلوون
سناء: اول شي لما تروح، راح تقل مصاريفها، وبعدين التذكره اللي راح يعطونها لها، راح ناخذ فلوسها، ( م تبي تقوله عن المكافأة لأنها تبيها لها بروحها)
مشعل طالعها بتفكير
سناء واهي تحرك اصابعها ع صدره: وغير جذي راح يفضى هالبيت لنا بروحنا وبسس
مشعل ابتسمت وقرب منها وباس شفايفها: خلاص راح افكر وبعدها اقولج قرااري
سناء انقرفت منه، بس غصب قربت وباست خده واهي راح تتحمل كل شي، عشان بالاخير اهي اللي تفوز
