ببيت تركي
شهقت واهي تشوفه داش الغرفه، وحطت ايدها ع صدرها واهي تحاول تغطي نفسها
تركي صد عنها، واهو يشوفها طالعه من الشاور ولافه الفوطه عليها وصدرها وفخوذها واضحات
قالت بارتباك: سوري تركي، ع بالي غرفه بشاير
طلع تركي واهو يتنفس بعصبيه، من شوي كان بأحلى حالاته ومزاجه الرايق، والحين هذي قلبت مزاجه ١٨٠ درجة
بنفس اللحظة كانت ام تركي صاعده: يماا متى وصلت
تركي بدون لا يرد ع سؤالها: يما هذي شتسوي بغرفتي
ام تركي باستغراب: منوو
بنفس الوقت طلعت نوال وكانت لابسه ملابسها
وقبل لا تتكلم ام تركي، سمعوا صوت بشاير واهي تصعد: نوالوووه وينج طولتي شتسوين
بس تفاجأت واهي تشوف وقفتهم: شصاير
ام تركي طالعت نوال: شتسوين بغرفة تركي
نوال نزلت رأسها بارتباك، وفجأة نزلت دمووعها
بشاير: نوال شصاير
نوال ببجي: بشاير انا م دريت اي وحدة غرفتج ودشيت غرفة تركي بالغلط، واهو دش عليي
تركي بعصبية: وانتي تدشين جذي اي غرفة
ام تركي: خلاص يماا هدوو م صار شي
نوال تبجي: شلون م صار شي ي خالتي، واهو دش عليي وانا مو لابسه شي
تركي فج عيونه من وقاحتها
ام تركي بصدمة: شنوو
نوال نزلت تركض واهي تبجي، وقبل لا تطلع سمعت ام تركي تكلم تركي: تزوجها لا تسوي لنا فضيحه
ابتسمت بخبث واهي تمسح دموعها وطلعت
تركي مصدوم: شقلتي يماا
ام تركي: انت شفيك اكيد اذا قالت حق اهلها، راح يلومونا
تركي: على شنو يلومونا يما، وبعدين اهي اللي داشه بيتنا وغرفتي مووو انا
بشاير: يما شفيج مو جذي ياخذون الأمور، وبعدين اهي دشت غرفتك بالغلط
ام تركي: يما شفيها اذا تزوجتها، منها بتستر عليها ومنها انا ابي اشوف زواجك وعيالك
تركي بقهر: انا م سويت شي فيها علشان استر عليها، وزواج من هذي م راح اتزوج، انا مابي غير بنت عمي جاسم الله يرحمه
بشاير بصدمة: شنووو
تركي: اللي سمعتوه، وغيرها ما ابي سامعين، ودش غرفته ورقع بالباب بقووه
بشاير ترجف من العصبية: يما سمعتيه شقال
ام تركي مستانسه: ايه سمعته، وبنات جاسم شحلاتهم
بشاير: يما من صجج انتي بعد، تبين وحدة من هذيلا المغرورات تكون مرت ولدج
ام تركي: ايه شفيها، وبعدين احنا شنبي بغرورهم، يكفي انهن جميلات، وعندهم خييير
بشاير طقت ريلها بقهر ع الارض، ونزلت بسرعه واهي تطلع برا، شافت نوال قاعده بالحديقة
راحت لها وصرخت بويهها: انتي شسويتي
نوال ببرود واهي تاشر ع راسها: سويت اللي هني
بشاير: ومستانسه يعني
نوال: ههههه ايه مستانسه حدي، انتي تدرين من زمان اني ابي تركي، وبعدين سمعت باذني خالتي قالت له تزوجها
بشاير بسخرية: هه بس م سمعتي شرد عليها
نوال بحماس: ليش شقاال
بشاير قعدت يمها: يبي وحدة من بنات جاسم
نوال بصدمة: شنوو شنوو شنو، منَو منهم
بشاير رفعت جتوفها: مادري، م قال لنا
نوال: اااخ ي القهر، بس لا تخافين انا راح اتصرف
بشاير: عفيه نوال، الله يخليج شوفي لنا حل، بمووت من القهر م اتخيل وحدة منهن تكون مرت اخووي
نوال: لا تحاتين، اعتمدي عليي وبس
