عقدت حواجبها، وطالعت بشويه بخوف رفعت حاجب وو: نعم اهو: نعم الله عليج، اقولج هذيك احلى عليج غزلان بجرأة: ومنو طلب راايك اهو: لا بس شفتج محتارة وقلت اساعدج غزلان: اقول يا أخ.... قاطعها: نواف، معاج نوااف غزلان بغرور: ما يهمني، وخر عن طريجي نواف قرب اكثر منها: واذا م وخررت غزلان طالعته برفعة حاجب، وبدون م ينتبه دفته من جدامها بجنطتها اللي بايدها، ومشت انقهر م توقع تسوي هالحركة، راح وراها: انتي قد هالحركة غزلان تمشي ومطنشتنه نوااف مسك ذراعها: هييي احاجيج فجت عيونها بصدمة من جرأته، سحبت ذراعها وقبل لا تتكلم، سمعت صوت جريب منها: نعم تبي شي نواف تجتف: ومنو حضرتك غزلان طالعته وارتجفت بخوف، م كانت تبيه يشهد هالموقف بدر ببرود: روحي مع اهلج كانت راح تعترض، بس لما شافت نظرته م قدرت تقول شي، كملت طريجها وقلبها يدق بقووه من الخوف وصلت لعند اهلها، وحست براحة بس م تدري بدر شسَوا منال: طولتي غزلان، وين رحتي غزلان: ماكو دشيت جم محل هني ام مازن قامت: زين يلا خنرجع، تعبت شيماء: يلا
بـ لندن فتحت عيونها، وحست المكان غير، عقدت حواجبها، وبعدها تذكرت انها الحين بلندن وبشقة عمر مع هالفكرة قامت من مكانها بسرعه وخوف، اهي للحين م تعرفه زين، شلون نامت جذي براحة بعدت الافكار من راسها، طالعت ساعتها شافتها الساعه ١٠ بتوقيت الديرة، يعني هني الساعه اممم ٧ طالعت الشباك وشافت الدنيا ظلام راحت اخذت لها شاور عشان تدفي نفسها، طلعت ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شالت فونها، وكان م فيه شحن، تنهدت وحطته بالشحن، وطلعت براا الغرفه واهي تمشي بحيا وخوف م شافت احد بالصالة، وقعدت تستكشف المكان وصلت للمطبخ، وبلعت ريجها واهي تشوف عمر دشت وو: اممم مساء الخير عمر انتبه لها: هلا، مساء النوور، تعالي تجدمت بحيا، وعمر مد لها الكوفي اللي مسويه حقه: هااج حنين: لا أخذه، انا بسويلي بنفسي عمر: هااج، انا الحين بسوي لي غيره اخذته من ايده، وحست بالدفا، قعدت ع الكرسي عمر: نمتي زين حنين؛ ايه الحمدلله عمر: تواصلتي مع رفيجتج حنين: اممم للحين، بفتح فوني وراح اتواصل معاها عمر ابتسم، وجهز الكوفي حقه، وقعد ع الطاوله جدامها حنين قاعده تشرب، وتحس بحيا مو عارفه شلون تتصرف عمر: اممم حابه تتمشين بلندن حنين بهدوء: اممم، بالأول بتواصل مع رفيجتي عمر: اوكي ع رااحتجج بعدها قامت حنين واستاذنت من عمر، راحت الغرفه فجت فونها، ودزت مسج ليارا انها وصلت وقعدت تسولف معاها، ويارا دزت لها اللوكيشن وقالت لها عن اسم المنطقه اللي اهي تعيش فيها وبنفس الوقت هناك مكان جامعتهم، حنين طلعت لـ عمر، وقالت له كل شي،، عمر واهي يشوف الموقع: اممم حلو مو وايد بعيد من هني، يعني تقريبا يبيلنا ٣ ساعات علما نوصل حنين: اممم عمر: بس انا افضل نروح باجر الصبح، شرايج حنين: مادري كيفك عمر: اذا تبين الحين، م عندي مشكلة حنين: لا لا مو مشكله، نخليها بااجر عمر: اوكي عيل، باجر من الصبح راح نطلع حنين: اووكي، ردت غرفتها واهي تحس بملل بس بنفس الوقت مستانسه حيل، انها أخيراً بتشوف يارا بعد فراق طويل
