سوري ع التأخير متابعيني، ادري وايد اتأخر عليكم، بس مو من شي، الأفكار براسي بس لما ايي اكتبها احس اني متشتتة، عشان جذي اتأخر بكتابة البارت،،
احب حماسكم وتعليقاتكم، وصدقوني ابي اكتب لكم البارتات بشكل يومي بس م اقدر، ان شاء الله بحاول م اتأخر عليكم، وإذا تأخرت فـأعذروني،، ❤️❤️
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بقصر المرحوم جاسم
اخترعت ولفت عليها: شنوو
شيماء دشت المكتب: اقولج شقاعده تسوين هني هالحزة
قالت بارتباك: ماكو، ما ياني نوم وقلت ايي
شيماء رفعت حاجب: وما لقيتي غير هالمكان، غزلان شعندج هني تحجي
غزلان: اووف شنو يعني تحقيق، عادي دشيت هالغرفه حالها حال اي غرفه بالبيت، شفيها يعني
شيماء تجتفت: فيها وايد، انتي تدرين مازن م يحب احد يدش هالغرفه، ثانياً اهو مو موجود الحين وثالثاً ليش داشه هالوقت والكل نايم وجنج تبين تسوين شي
غزلان: افف شنو يعني م راح نخلص، اكو رابعاً بعد
شيماء عصبت: غزلان تحجي عدل، وجاوبي ع سؤالي
غزلان ببرود: بروح انام، تصبحين ع خير، وطلعت
انقهرت من اختها، بس مالها خلق الحين، تعبانه وتبي تنام وما فيها تضيع مزاجها
صعدت غرفتها، واول م دشت شهقت بخرعه: هئ
بعدها طالعتها بعصبيه: شنو انتو اليوم متفقين عليي
مي ضحكت: هههههه شفيج
شيماء واهي تقط جنطتها: شقاعده تسوين هني، خرعتيني
مي: ماكو، قاعده انطرج تأخرتي
شيماء: م حسينا بالوقت
مي عدلت قعدتها: زين قوليلي وين رحتوا
شيماء قعدت يمها ع السرير، وتلقائي حمرت خدودها
مي: هييي احاجيج
شيماء: امبييه مي م تتخيلين شصار معاي
مي عقدت حواجبها: ليش شصار
شيماء بحيا: محمد دخل عليي
مي بغباء: وين دخل
شيماء: اووف وين يعني، يعني صار بيننا اللي يصير بين المره وريلها فهمتي
مي شهقت: هئ من صجج
شيماء هزت راسها بايه
مي بحالمية: واااو كيوت، زين قوليلي شلوون
شيماء فجت عيونها: شنوو شلون
مي: هههههه مو قصدي جذي، بس يعني شلون قررتوا هالقرار
شيماء: كالعادة يسألني متى تبين العرس وجذي، وبعدها حسيت انه زعل فقلت له انا حلالك، وما حسيت الا واحنا يم الفندق
مي: واااو، زين الحين شبتسوين
شيماء تمددت ع السرير واهي تلعب بشعرها: بشنوو
مي: بعرسكم، لازم الحين تحددين
شيماء: لا لا للحين م جهز بيتنا، شلون احدد
مي: يا غبيه م تخافين تحملين
شيماء قعدت بخرعة: امبيه تصدقين م فكرت بهالشي
مي: انا اقول، احسن تجدمين العرس قبل لا يصير حمل، واصلا ابي اعرف انتي ليش معارضه تعيشين مع اهله، اهم حدهم خالتج وعمج واخو زوجج بالبيت، شحقه تبين بيت بروحج
شيماء: ابي استقر انا وريلي ببيت خاص فينا
مي: زين مصيركم راح تستقرون، بس حرام والله كاسر خاطري محمد لين متى بتقعدين جذي مأخرتنه
انا اقول حددي العرس جريب، منها اذا صار حمل تكونين معاه، وبتعيشين جم شهر ببيت اهله وبعدها بتنتقلون
شيماء طالعتها: رايج جذي
مي: ايه اكييد
شيماء: زين بقوله واشوف شيقول
مي ابتسمت وقامت: زين يلا انا بروح انام، تصبحين على خير ي حرم محمد
شيماء ضحكت: هههههه وانتي من اهله
