أربعه راكب ( مُكتملة)

الفصل الرابع( خروجة مجنونة🥰)

#أربعه_راكب
#الفصل_الرابع
#بقلم_رحمة_ايمن

أستيقظت ياسمين لتنظر بحماس و تنهض سريعاً من فراشها : يا صباح الرعب الساعه 6 وعلي المقيمين خارج مدينة الرعب المحافظه علي فروق التوقيت درجة الحراره في الضل 25 وده كويس للزواحف واحتمال يبقي جو هايل للكسل ف السرير او النوم او اقولك الاحسن عمل تمرينات للمخوفاتيه اصحي ياااااا شلبيييييييييي

استيقظ الجميع بفزع و هم ينظرون بتعجب
لتقول شهد : اي اي شركه المخوفاتيه عندنا في البيت ولا اي؟؟؟؟

أبتسمت ياسمين بغباء:  اه  و أندل جي يزورنا يلا ياختي منك ليها عايزين نخرج و نلحق اليوم من أوله ..يلا يلا بلاش دلع
زفرت نورا :ياااارب الرحمه يارب وحياة شلبي يشيخه خليني  انام ساعه كمان الساعه لسه 6 الصبح يا وشوشني
تحدثت ياسمين من الداخل : قومي يا نورا علشان مخليش الرحمه دي تبقا رحمه و نور عليكي قومي يا روحي
نهض الجميع و استعد للخروج رغم تذمر نورا بأن الوقت مبكر
وقفت ياسمين وسط الطريق لتقول ببسمه واسعه : انا عامله جدول للنهارده هنمشي عليه أمين

نظرت شهد لها و هي تصفق بحماس : هنجيب اكل كتير صح

ضربتها نديم علي رقابتها و هي تقول : يختي بطلي طفاسه بقا

ضحك الجميع لتنظر نديم لنورا : و انتي يا اخت حابه تضيفي حاجه

نديم بفخر : انا الي هبقا المرشدة السياحيه بتاعتكم أمين

شهد بسخريه : خلي بالك لتشرحي تاريخ العراق بدل مصر يبت

نديم بغضب : بس يا واكله مال الشعب يا حراميه
شهد و هي تنظر لها بأستفزاز : الي واكله مال الشعب دي ممكن تخليكي تقضي عمرك في السجن فخلينا حلوين مع بعضنا بقا

نورا بضحك شديد : ياربي دا ياسمين هتطلع عينكم انتوا متخيلين ان ياسمين هي الي ماسكه الخروجه

نظر نديم و شهد بعدم فهم لتكمل نورا بضحك : ياسمين هتخليكم تلفوا اسوان مش قادره لتمسك معدتها من كثرة الضحك

نظرت لها ياسمين و هي تضيق عيونها : هنروح معبد ابو سمبل و معبد كوم أمبو عندك اعتراض يا نورا

كتمت نورا ضحكاتها و قالت : ابداً ابداً لو حابه كمان نطلع حدود مصر انا معاكي ياختي امال

دخلت نديم بتكبر و هي تلوح بيديها و كأنها ترحب بهم و تقول بغرور : و هنا يكمن يا ساده معبد أبو سمبل والذي يضم معبدي الملك رمسيس الثاني و زوجته الملكه نفارتاري و يوجد علي ضفاف نهر النيل جنوب مدينه اسوان

دخلت ياسمين و هي تدفعها  لتسقط اراضاً : هتأكلي دماغنا بكام كلمه حافظهم يشيخه اتوكسي دا هتبقي مرشدة هبله

نظرت لها نديم و هي مسطحه علي الأرض : قال يعني انتي الي لايق عليكي تبقي مترجمه اقولك احنا خساره في اداب اصلاً قولت لأبويا دخلني معهد تزغيط بط قالي لاااااع والف لاااااع آداب تاريخ يعني آداب تاريخ