أربعه راكب ( مُكتملة)

معلش يا جودعان + اقتباس تصبيرة🥺

استهدوا بالله يا جماعة عارفه انكم منتظرين البارت النهاردة ، بس نمس تعبان شوية و مش قادر يكمله🥺
بكرة بأذن الله هينزل و كبير ان شاء الله و فيه احداث كتير اوي اوي هتعجبكم🌚♥️♥️

دا اقتباس تصبيرة لبكرة بقا🤌

دقت نورا الباب و هي تغني ........توت توت.....انا الفرخه و احنا الكتاكيت....انا الفرخه و احنا الكتاكيت ....،اكلكم اي ؟؟؟؟اكلنا فتافيت ...... لتقول بصوت مرتفع من الخارج : افتحوا يا عالم يلا جوي هموت من الجوع

نظر سامح ( والد نورا ) بخجل شديد لأسرة خالد و قال : هي دي العروسة الي انتوا جايبن تطلبوا ايدها علشان مش هقبل حد يرجعها البضاعة التي تباع لا ترد و لا تستبدل

ضحك الجميع لتدخل نورا دون ان تراهم و هي تركض للمطبخ قائلة : حاجة شوووشووو عاملة اكل اي انا جوعانة

ثم نظرت الي الصالون لتجد صابر و خالد و إسلام و محسن ....و امراه جميلة يبدوا انها في عقدها الرابع

بلعت نورا ريقها بصعوبة و هي تقول : بتبصولي كدة لي؟؟؟؟

خالد بخبث : ابداً يا روحي احنا جايين نطلب ايدك بعد ما حكيت ليهم عن قصه حبنا العريقة

نظرت له نورا بصدمة لتسقط مغشي عليها

نظر إسلام الي محسن قائلاً : وكتاب الله ما هشيلها تاني دي لو بتضرب استروكس مش هيغمي عليها كده

امسك محسن ظهره بتألم و هو يقول : لا مش هشيلها تاني انا خايف علي صحتي يجدع

نهضت نورا و هي تمسك تفاحة من الطبق جوارها و تلقيها علي إسلام و محسن قائلة : طب اي رأيكم اني هيغمي عليا دلوقتي و هتيجوا تشيلوني

شادية بخجل و هي تذهب الي نورا و تهمس لها : لمي نفسك الله يخربيتك فضحتينا

نورا بتوتر مماثل : والنبي خليهم يمشوا

نظر خالد الي نورا و هو يقول بحنان : يلا يا عمي نقرأ الفاتحة قبل ما العروسة يغمي عليها تاني

نورا و هي غاضبة لتقول بهمس : عقبال ما نقرأ الفاتحة علي روحك يا بعيد قادر يا كريم

********
البارت هينزل بكرة ان شاء الله♥️♥️