أربعه راكب ( مُكتملة)

التاسع عشر( عودة النجمة المجنونه✨)

معلش يا جماعة عارفه والله غاني بتأخر في البارت بس بسبب ظروف عندي و الأيام دي مشغوله اوي فيها هحاول انتظم في الروايه علشان متتكروتش و تعجبكم الأفكار 🌚♥️♥️♥️♥️♥️

يارب البارت يعجبكم ، البارت فيه النهاردة احداث كتير اوي و تفاصيل اكتر
*************

دخل مكتبه بتعب بعد يوم مرهق ثم خلع جاكيت البذله التي يرتديها ليجلس بأرتياح علي مقعده و هو يضع يديه الأثنين خلف رأسه و ينظر للسقف وهو يتذكر ضحكتها عندما أسقطته من الدراجه أبتسم بحزن ، قطع تفكيره دق علي الباب أعتدل في جلسته و  سمح للطارق بالدخول و أثناء دخول الشاب المدعو حسام فهو مدير أعمال مروان ليقول بجدية : أستاذ مروان ، فؤاد لسه مكلمني و قالي أتحجز علي شركات عادل الأنصاري في مصر

أبتسم بسعادة و قال : يعني كده هنزل مصر .... ليكمل مسرعاً: تمام أحجزلي أول طيارة لمصر

حسام بتعجب : حضرتك مبسوط؟؟؟ دي مصيبة

مروان و هو ياخذ جاكت البذله و يرحل بسعادة : علشان هرجعلها  يلا أول ما تحجز التذكرة كلمني

ثم خرج و أغلق الباب خلفه ليقف حسام في منتصف الغرفه بتعجب من تصرف مروان

########

نظرت له ياسمين بتعجب بعد ما قال احمد جملته الأخيرة أستدرات إليه و هي تحمل صينية الفطار قائلة : أتجوزت امتي هو حد طايق خلقتك غيري اصلاً

ليرد شريف من الجهه الأخري بفرحة : مرات أبني منورة يا حبيبتي

شرقت ياسمين و هي تنظر للهاتف بصدمة عند سماع صوت خال نديم لتهمس في أذن احمد بخفوت قائلة بتسأل : هو بيقولي مرات ابني لي؟؟؟؟

احمد بهمس مماثل برجاء : معلشي مشي الليلة معايا والنبي

فهمت ياسمين مقصد احمد لتجيب علي الهاتف : حبيبي يا حمايا والله إبنك مطلع عيني

شريف بتعجب : صوتك مألوف ليا اوي يا ياسمين بس ما علينا أبني عملك اي وانا أكسر دماغه؟؟؟

احمد بدهشه من أستغلال ياسمين الموقف لصالحها : أنتِ صدقتي أنك مراتي بجد في اي؟؟؟؟

ياسمين مبتسمه بخبث و هي تنظر لأحمد : ابداً يا عمي والله علطول لسانه طويل و بيزعق و عامل زي عم شكشك مش محسسني أن فيه انثي في البيت كده ....اممم اقصد راجل متشيك يرضيك يا عمي  أبص بره يعني

ضحك شريف بشدة و قال : يبني أهتم بنفسك للبت تروح منك

احمد بصدمة : أهتم بنفسي؟؟؟؟؟يلا يا بابا أقفل انت متعرفش بتكلم مين دي عاملة زي عمال المصانع في نفسها مفيهاش أنوثه خالص

شريف بحزم : لم نفسك يلا مرات أبني ست البنات

لترد ياسمين : تسلملي يا حج