وعي واتبادي ( هام كالعادة ) ✌️❤️

علاقات مؤذيه ( هام جدا )

السلام عليكم ورحمه الله وبركاته
..

اجزاء الكتاب جاهزه كلها وهيتم نشرها فاوقات مختلفه عشان كل جزء ياخد براحه في القراءه والاستيعاب ومحدش يزهق ..

..

بس دا جزء جديد بناءا على رساله وصلتني ع صارحني من مجهوله مشكوره انها فكرتني بالموضوع دا لاني مريت بكذه تجربه امامي كانت مشابهه شوفت ومدى الأثر السيئ والنتائج المؤذيه عن شكل العلاقات دي ودلوقتي سنحت الفرصه اني اكتب ..

..
اولا الرسائل
..

..
الردود فحساب صارحني المهم سألت عن السن وشويه معلومات ..

..

اول شيء من بره كده وبدون كتر تفكير ، أي شخص بيبص لواحده كان ممكن يخلفها لو اتجوز .. او فارق السن بينهم اكتر من ١٢&١٥ سنه بالكتير اوي فهوا شخص غير سوي وغير متزن وممكن مريض نفسي المهم انه شخص مش طبيعي ولا عنده عقل ..

..

ثاني شيء الشخص دا ي بيدوفيلي ( داء اشتهاء الاطفال جنسيا)  يا شخص ( سادي ) وان كان السادي وسخ بس ممكن يكون انضج ف المهم والأكيد انه مش مظبوط ..

..

ثالث شيء انا ضد اي علاقه ممكن تبقى مع شخص اقل من ١٦&١٨ سنه او مش ناضج ومسئول بشكل كافي يجنبه ندم افعال وتهور المرحله دي مستقبلا وبالذات لو من عالواتباد او الانترنت ..

..
رابعاً : ممكن يكون شخص متاجر بالبشر و من إللى بيسروا الدعااره و الافعال دي وعاوز يستغلها بعد الاعتداء عليها او يكون من تجار الاعضاء و ياذي البنت دي بشكل ما كونها ساذجه ومحدش يعرف حقيقته فعلا ..

خامسا : سؤال للطرفين وللبنت تحديداً اي اخرة العلاقه الغير متزنه دي !؟ ..
..
اسمحولى اجاوب بكل الاحتمالات واختار اهونهم ..
..

إذلال وابتزاز حقيرر وممكن إستغلال وحرمان كون في شخص اكبر مسيطر ومستحوز على مقاليد التعامل ..

..

لو في حب هيموت لما تتحط مع الشخص دا فنطاق حقيقي او اقرب كون مفيش اي تقارب لا فكري ولا عمري بين الطرفين وطبعا في فرق سرعات وطاقات هيتوجد مع الايام

..

لو ربنا كرم والشخص دا طلع حقيقي وقرر يرتبط فعلا بواحده تصغره باكتر من ٢٥ سنه الاهل هيوافقوا مثلا ع جريمه زي جواز القاصرات دا او هل هيبقى منطقي ان حاجه زي كده تحصل ..

..

ولو حصل ووافقوا ع الارتباط بعد ١٠ سنين لما تبقى ٢٥ وهوا فوق الخمسين هل هيبقى في تقارب عاطفي وفكري مثلا او حريه ولا هتدفن بالحياه البائسه دي الأكيد ان الندم هيكسب ..

..

او نرجع لواقعية و حقيقة الموضوع بقى انه هيحصل تجاوزات وهتتساب وحيده مكسوره بدون كرامه وبشخصيه مشوهه وافكار مريضه او نقم ع المحيط والاهل والمجتمع والكثير من الندم ..

..

مفيش اي سيناريو فيهم سوي او منصف للاسف في ظلم وافترى وغباء مبالغ فيه نتيجه سذاجه وطفولة افكار طرف و شيطان حيواني من طرف اخر ..

..

لو عندك اي سيناريوهات اضافيه اتفضل قولها هنا !؟..

طيب و الحل !؟ ..

..
الحل كله ف إيجاد ما يشغلها بجد من دراسه او مستقبل ، لسه ف العمر متسع وفالحياه نفسها ياما هتشوف وساعتها تحكم وتتعلم ، تواصل الدعم النفسي من الاصدقاء والاهل وطلب العلاج من اثار العلاقة المؤذيه دي ، الاستعانة بالله دائما شيء منجي وبيخلي العقل حاضر ، محدش يسمح ان واحده يعرفها تدخل في تعامل زي دا ويمنعها باي طريقه او يبلغ اهلها ..

..
لان اي شخص زي الشخص دا يستحق الفضح ولو معايا حسابه كنت ذكرته هنا عشان الأكيد انه بيشتغل ناس تانيه وهيستمر في تصرفه دا فلو حتى حصل وقابلت شخصيات مريضه زي دي انصحكم بقرآءة الجزء واستيعابه كل فتره ومشاركته مع الناس إللى بتقع في الفخوخ دي  ..

..
ونصيحة اخيره لاي واحده ..
..
لو حصل اي ابتزاز او تهديد تأخد اي داتا ( رقم هاتف او حسابات المبتز او ايميله وسكرين شوت ك ادله) و متترددش في طلب المساعده من ذوي الخبره او حتى تروح قسم شرطه او مباحث الإنترنت المنتشرين فكل مديريات الجمهوريه و تأخد حقها عشان الدنيا تنضف من الاشكال الوسخه دي ..

..

وهبقى اعمل جزء عن الموضوع دا باستفاضه عشان الحالات بتزيد بشكل مستمر ومزعج لاي شخص طبيعي ..

..
بكرر شكري للي فكرتني بالموضوع دا وكلامي فالعموم مش لدا او دي بعينهم ربنا يعافينا وإياكم ويصلح لنا ولكم الاحوال ..

..

واللى عنده موضوع او حاجه حابب اتكلم فيها ميبخلش بالكومنت او رسائل صارحني وان شاء الله اقدر اجمع معلومات واتكلم فيها !..

..
لا تنسي المنشن ومشاركة الموضوع لتعم الفائدة ..

والسلام عليكم ✌️❤️🚶🏽‍♂️