وعي واتبادي ( هام كالعادة ) ✌️❤️

دليلك لواتباد راقي ( نصائح غاليه )

السلام عليكم ورحمه الله وبركاته

..

دا نصيحه شامله عن تجربه شخصيه ع مدار سنين كتير هنا عشان تتجنب سخافات وتعديات البعض ، طويل شويه بس ارجو التركيز
..

الموضوع مهم وياريت يتشارك ويتنشر عند اغلب الناس اللي اعرفهم ويتذاكر كويس لانه مجهود ..
...

بقالي فتره عاوز اعمل الجزء دا ومعلش متأخر بس الحوارات و المشاكل اللي بتحصل مع ناس كتير خلتني اجمعه وانشره سريع ومعلش لو طويل بس دا الأساس اللى لازم الكل يمشي بيه عشان يبقى واتباد افضل ⁦وتجنبا لهري كتيييييير اوي بيحصل بعدين ..

..

اغلب الناس اللى هنا داخله لهدف واحد أو اتنين والمفروض متفق عليه وهوا القراءه أو الكتابة ومع الوقت ممكن  يبقى في علاقات وأصدقاء و يبقى الواتباد زي مواقع السوشيال ميديا الاخرى بوستات و تحديات وهزار و لعب و مناسبات وذكريات وما إلى آخر ذلك لحد هنا الكلام جميل وزي الفل ..
..

مؤخرا بقى في ناس دخلت لأهداف مش تمام بعد ما اتكرفت واطردت من  مواقع تانيه زي الفيس بوك او انستجرام وحركاتهم اتفقست وآخرهم بلوكات ..

..
حد يسالني طب اشمعنى الواتباد !..

..
بص ي عم دا طبعا لأسباب كتيره منها أن الواتباد فيه بنااات كتييير ومن كل الفئات العمريه والغالبيه مراهقين واصغر من عشرين سنه فدا فرصه لناس كتير منحطه و واخده مقلب فنفسها و وكمان فيه حريه و مساحه لكل الناس تكتب اللى عاوزاه من كل شكل ولون ومفيش قيود فعليه على المحتوى فهتلاقي قصص محترمه وادب راقي وهتلاقي قصص جنسيه وشاذه ومنحطه بالاضافه لكتب دينيه  ووعي وكتب الحاد وهري فارغ وطبعا كلا حر في ذوقه و نوعية ما يكتب او ما يقرا مع اهمية التوضيح طبعا لان في ناس كتير مش بتعرف تقرا ايه وبتدخل عشوائي وفي ناس عندها فضول تشوف وتعرف ودا مش عيب العيب اننا نحكم على اي شخص انه منحرف لمجرد وجوده فمكان منحرف دون اخذ باسباب منطقيه وراء افعاله أو مراعاه لصغر سنه وقلة مسؤولية أفعاله أو قلة خبرته

..

المهم تاني اعم ازاي نميز بين الناس اللى بتدخل للتعارف أو لأهداف الشقط و التعامل لرغبات وشهوات !..
..

بعيدا عن الدخول في نوايا حد أو حتى اساءه لناس وتلقيح كلام هنقول علامات مميزه ومنطقيه تخليك تتجنب الناس دي وعلى فكره الناس دي من الجنسين  وفالبنات بيبقوا أغلبهم صغيرين ومن الرجال اكبر من كده الا من رحم ربي والكلام بدون تعميم في استثناءات ثقه وبيبان اصلهم وصدقهم ..

..

اول حاجه تنظيم المتابعة متابعش حد معندهوش كتاب أو محتوى كويس أو حتى قائمه قرايه لان ملهاش لازمه اعمل متابعه بدون أي منفعه أو مساهمه من وراه ولو كان الشخص دا مين ..