وعي واتبادي ( هام كالعادة ) ✌️❤️

احقر شخصيات السوشيال ( نصائح غاليه )

السلام عليكم
الموضوع طويل شويه بس يستاهل وطارحه بشكل ساخر نوعا ما وما عليك غير البلوك بس لأى شخص تحسه يندرج ضمنهم
..
طول مانت فالواتباد هتتخبط في العينه الحقيره دي سواء صدفه او هتلاقيهم فصندوق الخاص او ع صفحة رسائلك أو فكتبك عشان كده بس حبيت اتكلم عن بعضهم ويا رب يكون الكلام مفيد للناس عشان تخد حذرها ..

..

الماستر أو Master/Mistress او السيد او المسيطر

..
ودي اوسخ شخصيه ممكن حد يقابلها فالواقع أو فالنت كائن شاذ مشوه الفطره والإنسانية وضال الفكر والمعتقد للاسف بيفكر نفسه عاقل وهو مريض ومصاب باضطراب السادية الجنسية ودا شكل من أشكال الشذوذ الجنسي يهوى السيطره والتحكم ويتمتع بأهانة وإيذاء وإذلال الطرف الآخر ويعاني من يقترب منه من تسلطه وغروره وسوء طباعه و فرط إيذاءه وتعطشه للقبح وتفننه في التعذيب المعنوي أو المادي بجانب تهديده لمن معه ولا يؤتمن على وعد ..

..
السيلف او salves / Slave او الخاضعه أو المطيعه
..

ودي الشخصية المقابله للمسيطر شخص خاضع بشكل مرضي يتمتع بالاهانه والايذاء به و إذلاله مصاب بالاضطراب المازوخي الجنسي ودا نوع من السلوكيات الشاذه برضو المنافيه للفطره السليمه والطبيعه الحره الغير قابله للاهانه أو تقبل الخضوع وغالبا ما بتكون أسمائهم كلب سيده او اسماء فيها اهانه له

..

Daddy/Mommy دادي أو مامي

..
ودول شخصيات مريضه مسيطره بس اغلبهم تخصص اطفال وصغيرين بيمارسوا عليهم تسلطهم و التحكمات اللى هوا مش متربيين اساسا وجاين يعملو نفسهم آباء وأمهات افتراضين وينصحوا ويعاقبوا لو غلطوا اللى هوا اى الهبل دا

..
البيبي بوي والبيبي جيرل baby Boy/Girl

..
ودول اطفال او كبار مستعيلين وعاوزين حد يهتم بيهم و ينصحهم ويعاقبهم اللى هو فين امك او ابوك يبني عشان تتربى متلاقيش والغريب أنه ممكن ميسمعش كلام أهله وتلاقيه يسمع كلام الاهبل اللى متسلط عليه هنا دا وحاجه منتهى التخلف

..
عالم قوس قزح والمثليه
..
دول ناس برضو بجحه عندهم ميول شاذه كونها بتبقى لنفس جنسهم وبدل ما يشوفلهم علاج لا يقرفوا اهلنا بقى مش شماته أو تقليل من المحترمين واللهم لا اعتراض وربنا يعافي الجميع بس الغريب أن بتلاقي كتير اطفال لسه اللى هو مش باينله ميل ولا جنس ورافع علم الريمبو و بيتكلم عنهم في قصصه وحاجه اخر قرف وممكن تلاقي بنت داخله تتعرف وبعدين تسألك فحاجات خاصه وكده فاللى هو مش عارف حتى ممنوع الخاص بقت مش نافعه

..
سوما العاشق 
..
دا بقى شخص حبوب على نفسه كده هتلاقيه بيتفاعل فكتابك وصفحتك و ممكن تلاقيه بينشر كلمات او كومنتات ع صورتك أو صفحتك واول ما ترد تلاقيه نط فالخاص او لما تعمل متابعه او كومنت وڤوت على كتابه اعتبرك ملك يمين وهاتك ي استظراف واستلطاف ويا سلام بقى لو ارتكبت غلطه عمرك وبعت على الخاص لاي سبب كان هتفتح على نفسك بلاعه فالمهم اي حد يدخل على الخاص بدون سبب أو داعي بلوك وظبط حدود التعامل في العام عشان متحطش نفسك في مكان مش كويس ..

..
المحترم فشخ الشيخ الملتزم
..
دا بقى هتلاقيه محترم فالعموم ومتابع ناس محترمه بس ممكن تلاقيه داخل الخاص عادي اللى هوا أنا كنت عاوز اقولك حاجه فودنك عشان مينفعش اكتب كده فالعام ويبدأ وصله من الشكر فيك وابداء الاحترام ثم شئ ف شئ تبدأ الظيطه ويطلع الاحترام دا قناع كده لا اكثر  ..

..
المستعيل بقى
..
دا تخصص اطفال هتلاقيه متابع الأصغر من ١٥ سنه و هاتك ي هيصه واخواتي وبعدين يستغل سذاجتهم في تشويه البراءه والطفوله ودا شئ مقزز جدا

..
هاوي قلة ادب
..
دا بقى هتلاقيه شخص عادي بس متابع بقى ناس كلها من الشكليات اللى فوق دي ومكتبته كلها قصص وسخه واباحيه وصورة صفحته او الغلاف مش مظبوط كده دا ممكن تلاقيه متابعك عادي وممكن لا ، وتبقى مشكله لو رديت المتابعه

نصائح عامه هامه اضافيه ..
..

كل الشخصيات اللى فوق دي من الجنسين و سهل جدا التعرف عليها مش محتاجين تدقيق أو اقتراب منهم ونصيحه مني اعمل بلوك لاي شخص مش بترتاحله أو مثير للريبه حتى لو كنت أنا معنديش اي مشكله ..

..

بلاش قصص وسخه لا قراءه او تفاعل لأنها بتشوه الافكار و تاثر على العواطف والمشاعر السويه وتمسخ شخصيتك ..

..

شوف اللى بيتابعوك واللى بتابعهم والناس اللى بيتفاعلوا معاهم ونوعيه كتبهم ومحتوى مكتبتهم ولا تتردد في البلوك لاي شخص كان مدام هيقلب دماغك أو هيحطك فمنطقه مش بتاعتك

..

اوعى تصدق أن الساديه دي عادي وممكن تقبلها او أن المثليه دي خطأ جيني وان كل واحد حر يرتبط باي شخص أو جنس مدام في حب ناس مغايره لمبدأ وفطرة الخلق الاول ازاي هيبقى عندها مبدأ أو حتى التزام ..

..

بلاش قراءة في كتب ملهاش لازمه و روايات لا تضيف لشخصك وفكرك شئ أو حاجات هتزيد اكتئابك او تأثر بشكل سلبي ..

..

اتمنى اكون وفقت في طرح الموضوع ويكون وصل للناس زي ما حبيت ويكون مفيد لو عندك اي مشكله هنا ممكن تبعت ع صارحني ..

..
الموضوع دا والمواضيع السابقه في الكتاب متاحه للنشر والمشاركه من خلال الروابط عندي ..
..

في جزء تاني للموضوع دا باسم عجائب وغرائب فالواتباد هيتم نشره قريب ان شاء الله فلو عندك شخصيات حابب تتذكر ممكن تقترح هنا او ع صارحني ..
..
يا ريت يتم عمل منشن للناس عشان تبقى الافاده عامه وأشمل ..
..

بس كده فل اوي سلام عليكم ..🚶🏽‍♂️✋❤️✌️..