وعي واتبادي ( هام كالعادة ) ✌️❤️

الانتقام الاباحي والابتزاز ( وعي )

السلام عليكم
..
هنتكلم الأجزاء الجايه عن الهاكرز وطرق تجنبهم والتعامل معاهم أو تجنب الوقوع تحت ايدهم الفاسده ، كلامنا انهارده تابع ومشجع اكتر انك تحمي بياناتك وخصوصيتك ف تابع وركز وان شاء الله تستفيد ..

..
ما هو الانتقام إباحي !..
..
الوصف حسب ويكيبيديا ..
..
الانتقام الاباحي أو الثأر الإباحي هو جريمة تقتضي مشاركة محتوى إباحي صريح بشكل عام على الإنترنت دون موافقة الشخص الظاهر على المحتوى نشر محتوى إباحي صريح بهدف "الانتقام". وقد يتضمن ذلك نشر صور أو مقاطع فيديو إباحية بموافقة صريحة من الشريك أثناء العلاقة الحميمة أو دون علمه.
..

يعني بالبلدي كده كنت مرتبط بشخص و كان في بينكم علاقه و ثقه خلت في تبادل صور و حاجات خاصه وبعدين انفصلتوا لاي سبب كان فنمت وصحيت على صورك موجوده على النت او رسائل من مجهول بيبتزك أو بيتاجر بيك هوا دا بقى المعنى الصريح للانتقام الاباحي

..

الموضوع زاد اوي في الفتره الاخيره وللأسف بيحصل من ناس كانت أهل ثقه بس طلعوا مرضى نفوس وشخصيات وسخه و وسخه دي وصف محترم جدا للناس اللى بتعمل الفعل وتخون الثقه دي

..

طب الموضوع زاد ليه !
..
ناس كتيره للاسف سذج و بيبعتوا حاجات كده خاصه على سبيل إثبات الثقه والحب لناس بتاجر بالكلام دا بالاضافه لأن مؤخرا وفي ظل الفراغ وانقطاع اعمال ناس كتير شباب بقت تتجه للتكسب عن طريق الابتزاز وطبعا
الفجوه الاسريه اللي بقت موجوده بين الجيل من اب مطحون لكسب اساسيات الحياه لام مسحوله في هموم البيت أو متابعه المسلسلات والنت أو اجيال بتطلع عقدها ومصاعب الحياه على اجيال وأسباب أخرى كتير خلت في شعور بالنقص ورغبه في إبراز الذات بطريقه متهوره وممكن ك استخدام خاطئ للنت والتليفون دون إدراك لتبعات هذا الفعل وآثاره ، المشكله في أثار الغباء والتطرف السلوكي دا أنها مش بتزول لأن المجتمع بقى عنده ثقافه الشير والنشر ونفخ بلالين الفضايح وتتبع العورات بشكل مؤسف ..

..
كل دا والكلام عن علاقات و ناس أهل كانت أهل ثقه طيب اومال الهاكرز اللى مش بيراعي لا ثقه ولا مبدأ دا بينتقم ازاي بقى بعيدا عن الحقاره من الاتنين ..

..

فالغرب وبلادهم الموضوع زاد وتم سن قوانين و انشاء اقسام متخصصه في تتبع الجرائم الإلكترونية والابتزاز باي شكل كان وكمان توفرت جمعيات تأهيل الضحايا لتجاوز الأمر وتقويم للجناه

..
وعندنا هنا ومع زياده الموضوع اسهل ما يقوم به المجتمع هو وصم الشخص و لوم الضحيه و ترهيبها من أخذ ابسط حقوقها في حفظ كرامتها وطبعا دخولها في دوامات جلد الذات و التحقير للنفس والاكتئاب وربما تنتحر أو يقوم أحد الحيوانات الاسريه بعمل دا تحت بند الشرف و غسل العار و حاجات وسخه اكتر لا هي من دين ولا من عقل ودا كله من بدايه بسيطه وبفعل غير مسؤول من شخصين ربما يكونوا غير مؤهلين عقليا ..