وعي واتبادي ( هام كالعادة ) ✌️❤️

عجائب وغرائب فالواتباد ( وجهة نظر )✌️❤️

السلام عليكم ورحمه الله وبركاته

..

الجزء طويل اكتر من الف كلمه بس كل قطعه معنونه وممكن تمر عاللي يعجبك الكلام من وجهة نظري ربما اكون مصيب او مخطئ في بعض الامور ولكن لا بآس ممكن تبدي رأيك باحترام ونتناقش ..

..

بما اني بقالي فتره طويله فالموقع والتطبيق دا وعلى مدار السنين دي شوفت عجائب او ربما اكون مبالغ بعض الشيء بس عموما ومره تانيه دي وجهة نظري واتمنى تقبلها او حتى رفضها و توضيح الرؤيه اذا كنت مخطئ في شيء ..

..
محن الواتباد !..
..
ودول ليهم جزء مخصوص تم نشره من قريب مغسولين فيه بس عموما بستغرب الناس الللى بتعجب بحد من كتاباته من مجرد دردشه دون التحقق حتى من جنسه او شخصه وحقيقته ، سطحيين اوي وفي سذاجة فالموضوع ممكن ترجع للبارت المذكورين فيه تحت عنوان محن الواتباد ..

..
المتنصلين من حقيقتهم ( المنافقين )!..
..
ناس كتيره بتعيش احلامها وشخصيااتها الغير حقيقيه ، يعني هتلاقي الشخص المهمش بواقعه عامل نفسه بطل قومي هنا ، وهتلاقي السرسجي حكيم ، و الشخص الشاذ فكراا وتصرفا عايش دور المضطهد والمناضل المتمرد ، واللامؤخذات عاملين نفسهم رجاله وكاريزما والبنت المؤدبه عايشه دور السيئه ، والمريضه عامله نفسها مرشده ، والأوساخ مفكرين نفسهم أحرار ، بجانب بقى الناس إللى بتدعي المرض والحزن والسيكوباتيه بشكل مخزي جدا ، اكيد مش الكل كده بس عموما في نفاق كبير وكذب مالي التطبيق دا بشكل مبالغ فيه لدرجه تقرف وتخليك تشكك فكل حاجه فيه وتشوف كل الناس فييك لا تحتمل التصديق او التعاطف وممكن تبقى عارف كل دا ومكبر دماغك وسايب العيال تلعب وبقول ربنا يعافي حقيقي ويهدي الكل ..
..
عموما في جزء عن الناس المخادعه بعنوان خدعوك فقالوا هيتم نشره قريبا

الفهم الخاطئ للانفتاح والحريه !..

..
تحت فكره الحريه بقى وانا حر اعمل إللى عاوزه وأكتب ما اريد هتلاقي الوان من التخلف متواجد في كتابات ( الشذوذ او انحرافات او الحاد ) وقصص جنسية صريحه يكتفي كاتبها بالتنويه انها للبالغين ف تطبيق مليئ بمراهقين عندهم طاقه فضول وتشبع للافكار بيتم تمربر افكار تطبيع مع حاجات من دي كتير وشويه شويه تلاقيه متعاطف مع الشذوذ وشايف ان الوقاحه والتعدي حريه ومع جهل الاهل بخطر التطبيق إللى كتير منهم مفكره تطبيق قراءه وقصص بيسلي مش بيدمر ومن اشكال التدمير إللى بتحصل تحول البعض إلى الناس إللى تحت دي ..

..

مهوسي الفرق والمتعصبين !..

..
مفيش عيب من انك تحب لون ما من الوان الفنون ولكن ان يخرج الاعجاب من كونه اعجاب ب شخص او تشجيع فريق ما الى تعصب اعمى وهوس بشكل مبالغ فيه دا غلط ، بالذات في مرحله المراهقه وعدم تنظيم الافعال ، او التاثر السلبي بفلان او علان ، ودا واضح جدا في محبي الفرق الاجنبيه سابقا والاسيويه حاليا ، اللى كل تعاملاتهم بتدور في اطار ما يحبون ، يعني حتى المتابعات بتبقى حسب صوره الشخصيه ، الكتابات الاهتمامات وكل شي لدرجه مرعبه والموضوع بقى ظاهره بتشتكي منها الأسر وظهرت اكتر مع حفلات الفرق دي فالشرق الاوسط واللي أظهرت كم الهوس ، الاعجاب مش عيب ولكن الاتباع الأعمى وترك الاصل واللهث وراء المظاهر والمستورد غلط ودا بينقلنا لتمرد عالموروث والتقاليد ككل لينتج لنا الصنف العجيب التحت دا ..