خدعوا فؤادي بالوصال وعندما
شبوا الهوى في في اضلعي هجروني
لم يرحموني حين حان فراقهم
ما ضرهم لو انهم رحموني
...
طقت الجرس وتبعه طقات متتابعه للباب
تأففت وهي جايه : طيب طيب لحظه .
فتحت الباب وغلطت توقعاتها لما شافت داليا
اللي فتحت الباب على وسعه وبصوت عالي قالت
داليا : اطلعي بالطيب احسن لك!.
حاولت تسكر الباب بمقاومة ضعيفه منها وقالت بأسلوب هجومي
انوار : انتِ اللي روحي بالطيب احسن لك !.
داليا رفعت حاجبها واقتحمت الشقه وهي تقول بتهديد لها
داليا : حسابي معك بعدين
وين الحيوانه الثانيه!.
توغلت بالشقه مو معطيه اي اهتمام لصاحبتها
وبدأت تفتح الغرف غرفه غرفه
الين ما شافت رِفان منسدحه في وحده من الغرف
وسماعاتها بإذنها جاهلة باللي صاير برى
انتفضت مكانها اول ما التقت عيونها بعيون داليا
اللي قالت وهي تدخل
داليا : منثبره هنا اشوف
لا دوام ولا حياه تحسبين انك خلاص اختفيتي!.
رِفان قامت متكلمه بعدائية
رِفان : فارقي خلاص ما ابيك افهمي يا آدميه
ما ابيك خليني في حال سبيلي!!.
داليا طنشت كل كلامها وسحبت عبايتها اللي كانت معلقه على الدولاب
لبستها بالغصب وسحبتها معها بدون ما
تخلي لكيانها اي رأي
وقالت موجهة كلامها لأنوار
اللي كانت واقفه عند باب الغرفه
داليا : بجي اخذ اغراضها في وقت ثاني
واقسم بالله لو ترجعين تكلمينها ما تلومين الا نفسك .
