فلتت نفسها بسرعه من داليا ونزلت راسها
مخليه داليا تقلب عيونها من حركتها وتقول موجهة كلامها لرِفان
داليا : شفيك؟ قلت لك حبيبتي .
رِفان خزت رسيل وحولت بنظراتها الحاده لداليا
مخليه داليا تعقد حواجبها هي الثانيه
داليا : خير وش هالنظرات؟
امشي قدامي على السياره يلا
هذا الباقي بعد اطلب اذن ورعه في علاقاتي .
خزتها رِفان وباقه رسيل اللي كانت بيدها رمتها على الارض بسخط
ومشت معطيتهم ظهرها
شهقت داليا بدراميه : ايش الوقاحه هذي مو كذا ربيتها!!.
لفت على رسيل وكملت : يبي لها تربيه من جد وجديد ذي .
خزتها رسيل هي الثانيه : برجع مثل ما رحت
بتاكسي .
مشت بسرعه مبتعده عنها مخليتها تعقد حواجبها : شفيهم ذول.
...
صباح يوم الاحد
كانت واقفه تنتظرها
مستحيل يمر صباح بدون ما تمر الكافتيريا حتى لو عشان تشتري موية
كانت مطنشه مكالماتها ورسايلها طول اليومين الماضيه
بس ما بتقدر تتهرب منها وهي قدامها
وفعلاً ظنها ما خاب لما شافتها متوجهة لأحد الطاولات بملامح واضح
نفسيتها منها
راحت لها بسرعه وجلست قدامها مخليه الثانيه ترفع راسها عن جوالها
رفعت حاجبها وتوها بتطلق وابل شتايمها بس وقفتها فريال بسرعه
فريال : اسمعيني ميعاد قبل .. بليز .
لقت السكوت من ميعاد وارتاحت شوي وبدأت تتكلم
فريال : انا .. انا والله ما كنت اعرفك وكنت احب آنتي هيفا
وعادي اسوي اي شي عشانها
ما خطر على بالي اني اسمع من اي احد
هي اصلاً كانت ناسيه كل شي صار بس يوم شافتكم سوا بالجامعه
ما قدرت تتحمل وانا ما قدرت اشوفها كذا وقلت بساعدها
