တသက်လုံးပျော်ချင်မောင့်ကိုချစ်ပါ(တသက္လံုးေပ်ာ္ခ်င္ေမာင့္ကိုခ်စ္ပါ)Completed

1

"မိုက် ! မိုက် ကွ  "

"မိုက် !!"

သံဇကာ ဖြင့်အလုံပိတ်ထားသော သတ်ကွင်းအလယ်တွင်လူနှစ်ယောက်သည်သွေးသံတရဲရဲလုံးထွေးသတ်ပုတ်လျက်ရှိသည်။ ထိုနေရာသည် ကြေးစားလက်ဝှေ့ကွင်းပင်တည်း။ လက်ဝှေ့ဟု သတ်မှတ်ထားသောငြား စည်းကမ်းသတ်မှတ်ချက်လုံးဝမရှိသောနေရာပင်ဖြစ်သည်။
လူ တစ်ယောက်၏ အသက်သည် ထိုနေရာတွင် တန်ဖိုးမရှိသလို မည်သည့်အာဏာပိုင်များမှ လာရောက် စစ်ဆေးမူ့မရှိသော ကြေးအကြီးဆုံးသတ်ကွင်းပင်ဖြစ်သည်။

" ဟေးးး  မိုက်  ကွ "

အော်ဟစ်အားပေးသံများမှာစီခနဲ။
ထိုသတ်နေသူနှစ်ဦး ထဲမှ လက်မောင်းတွင်Tattooထိုးထားသော ယောကျာ်းတစ်ယောက်သည် သူ့ထက်အနည်းပိုပြီးဗလထွားထွားနှင့်အမျိုးသားကို အဆုံးသတ်အနေဖြင့် ကြမ်းပေါ်မြှောက်ကာ ကိုင်ပေါက်လိုက်ခြင်း‌ေကြာင့် ပွဲသည်ချက်ချင်းဆိုသလို ဆူညံ့သွား၏။
ပရိတ်သတ်အသံတို့သည် ဝေဆာလျက် ကွင်းလုံးညံနေသည်မှာ အရူးအမူးပင်ဖြစ်သည်။

ထိုသူမှာ ကြေးစားလောကတွင်နာမည်ကြီးလှသော မိုက်ဆိုသူဖြစ်၏။ မိုက်သည် ပွဲဆက်နည်းသူဖြစ်တာကြောင့်
သတ်ကွင်းတွင် အစဥ်အမြဲမရှိတက်ပေ။
တစ်ခါတစ်ရံမှပေါ်လာသူမို့ စောင့်မျှော်နေတက်သည့် ပရိတ်သတ်များမှာ အများသားပင်။
ကြေးကြီးသော ပွဲများနှင့် နာမည်ကြီးစိန်ခေါ်သူများရှိပါက မိုက်ပေါ်လာတက်ပြီး ကျန်အချိန်များတွင်တော့ မိုက်သည် ဇာတ်မြုပ်၍ နေထိုင်တက်သူဖြစ်၏။

ထို့ကြောင့် မိုက်၏ပွဲများသည် ပွဲကြီးများဖြစ်ကာ
လာရောက်ကြည့်ရှု့သူများအနေဖြင့် ပေးရသော ဝင်ကြေးဖြင့် တန်သည်ဟုသတ်မှတ်ကြသည်။ထို့အပြင်
မြေအောက်ကြေးစားမို့  မိုက်၏ ဂုဏ်သတင်းသည်
သတ်ကွင်းတွေအားစိတ်ဝင်စားသော သူဌေးများကြားတွင် များစွာ နာမည်ကြီးသေး၏။

မျှော်မှန်းထားသည့်အတိုင်းမိုက်သည် ပွဲကို အနိုင်ပိုင်းလိုက်နိုင်သည်။
အော်ဟစ်ဆူညံစွာ‌အားပေးနေကြသော ပရိတ်သတ်များကို မိုက်သည် သွေးစွန်းနေ‌‌ေသာပိတ်သားအဖြူရောင်ပတ်ထားတဲ့လက်ကို မာန်ပါစွာမြောက်ပြလိုက်သည်။
တဖန်ပြန်လည်ဆူညံသွားတဲ့ အသံများကြားတွင် မိုက်သည် ကြိုးဝိုင်းမှဆင်းကာ ပြန်လည်ပျောက်ကွယ်သွားခဲ့သည်။