قصه رجل شرقي
البارت الثالث
لذكرى المندلاوي
٠٠٠٠٠٠٠٠٠٠٠٠٠٠٠٠٠٠٠
احمد
كتله
فهمني وبسك بجي
والله ياخويه مدري عركه مثل كل مره اجه واحد سكران بس هذا ابد مشايفه
وجان وياه خمسه مدري شلون بدت وشلون صارت السجينه بطنه
يعني ضربته كولي خل افهم ترى عليك شهود
انت تعرف اخوك
فهمني مصطفى شنو يعني ضاربه للولد
مصطفى بفقدان وعي يفرك براسه
كتلك مدري
لتخبلني ساعدني خل اساعدك انت كاتله للولد وهسه
هو نايم بلمستشفى بين الحياة والموت
شنووو ٠٠٠احمد لتخبلني اني انشمرت شمر عليه وهو
جان مضروب اصلا واني لزمت السجينه حته اطلعه من بطنه
صرخت بوجه
لييييش انت غبييي
مصطفى
شدكول حقك اني غبي بس والله كل تفكيري جان اساعده شفته جاي يموت
احمد بصراخ
اخخخ منك مصطفى هسه انت ذبيت التهمه عليك
لك شبييك غبييي
شسوي صارت بعد مو بيدي لتلومني جاي اكوبك اني غبييي
مجان اسوي الي سويته اني غبيييي
هسه ارتاحيت لو ميكفي
شتريدني اكتلها الروحي حته ترتاحون
احمد صحت بي
ولك مفكرت بامك شراح يصير بيها
احمد كافي لخاطر ربك كافيييي
احمد شفته تعبان مكدرت بعد اضغط اكثر عليه
سكتت
مصطفى
امي درت
اكيد
ضرب رجله يارب ساعدني لخاطرها متتحمل اعرفها
كافي الي جاي يصير بيها بكبرتها تتبهذل ويانه
احمد كتله
امي عوفها عليه
شراح تسوي
اكوللها عركه مثل كل مرة وطلعته بس انت لتخاف
اني حروح واستفسر منهم بلكت الكي اهل الولد
واشوف شيردون انشاءالله تنحل
مصطفى بقله حيله
انشاءالله ٠٠٠اخويه لتعوفني معندي غيرك
احمد نصدمت من كلامه
صحت بي
شبيك مصطفى تشك باخوك يعوفك
دنك وعيونه كلها خوف وشك ٠٠٠
ترااا
السالفه مو هينه اذا مات الولد تصير مصيبه
عفته وطلعت بعد ماوصيت العريف الي بلباب عليه وانطيته فلوس اكل يجيبله
رحت كبل للضابط
الي مطمني بل زادني خوف
الولد بالانعاش ادعيله يعيش
طلعت من يمه واني يائس
صاحني واحد يأشرلي بيده تعال
الله يستر شيريد هذا انوب
تقربت منه
خير اخويه
همس
انت اخو مصطفى
كتله اي صاير شي لمصطفى
همس تعال ورايه اني حطلع بره يم ابو الكهوه الي
عبر الشارع وانت الحكني خوش
استغفرت ربي بالله هذا شيريد مني مجبور اروح
لان الشغله تخص اخويه يمكن
طلع قبلي
واني سألت العريف اتأكد منه وصل الغده المصطفى
رد
عيب اخوك امانه يمي
بسسسس
احمد
شنو كول
اشر بيده يعني اريد اكراميه
أنت تقرأ
غضب رجل شرقي
Romanceلم اكن انانيا ولا فخورا ومتكبرا بنفسي ولكن لدي عزه نفس وكنت اضنها خصله عند الجميع لصفاء ونقاء روحي روحي التي نهضت يوما لاراها مسلوبه ٠٠٠٠ حين يغضب الرجل الشرقي قصه للكاتبه ذكرى المندلاوي بعد غياب طويل عادت ومعها مايثلج القلوب بروايه مشوقه في كل مرا...
