صباح الخير
بأذن الله نكمل وياكم الروايه
البارت الخامس
للكاتبه ذكرى المندلاوي
٠٠٠٠٠٠٠
زينب
علي الاكبر جانت عيونه طول الوقت بلگاع ومن يرفعها يباوع الامه وكل شويه يأشرلها ع الساعه
لعد شگد مطايقني انقهرت حيل كاي ابنيه تريد تشوف نفسها حلوه بعين الي راح يصير زوجها
امه تهز براسها تحرك حلكها اصبر عيب منا العالم
محد يحس الكل ملتهي برگص حته صديقتي مرام
الي أجت متأخره وصايره عصبيه ماعرف ليش ومجان اكو مجال اسألها بس عيونها على امي ومرت ابويه بلاسم
الي ذابه لحم جسمها جان يجنن حته امي طويله وجسمها بلنسبه لعمرها كلش مناسب وحلو جانت لابسه قفطان سمائي لونه يجنن عليها والي مكيجتلي
اصريت عليها متكيجها الامي صارت تشع حته الكرابه كلهم صاروا يمدحون بيها كدام بلاسم
وابويه ولا يمه ابد ممهتملها الامي هاملها من زمان
مع العلم هيه الي دائما رافعتله راسه كدام الگرايب
والاصدقاء مهتمه بلبيت ومعازيمه الي رايحين جوگه
وجايين جوگه
علي الاكبر
اني اترخص لازم اروح (بصوت هامس)
كلت بروحي طبك مرض متروح هو حته وجودك نرفزني حفلتي ومتونست بيها
كام واشر لامه اني طالع
هيه هم ركضت وراه
جتي مرام كمزت وو كعدت كبالي بمكانه
وكالت بصوت ناصي عود تشاورني
هااولج والله حظج گاعد خطيبج مال وجمال بعد شتردين من الله
صفنت بوجها هو هذا حجي تحسديني عيني عينك
من هذا مشايفه خير هو كلمتين على بعضهن مسمعتهن منه ٠٠٠شرد عوزه بس يشكل چروخ برجلي
من هلگد مامستعجل
مرام
هههههه يعني شنو ؟بس لا يحب غيرج يول وامه جاي تغصبه عليج
زينب
شبيج انتي اليوم شو ابد متعجبيني هاي بدال ماتريحيني تسمعيني كلام يهز البدن
اووي اني شعليه هو انتي من يومج تتشكين منه چذبت
دنكت ونكلب وجهي حجيها صح هو مجبور واكيد مراح يحبني ويحب وحده غيري حسيت بحجم الكارثه الي سويتها من وافقت ورضيت اسمع كلام
امي
شلون راح تصير حياتنه مجاي اتصورها
مرام
اكولج داده هاي امج مو
اشرت الامي ألي جانت كاعده بكل هدوء يم خالتي
هزيت راسي
اي
حلوه تنطيها شبه والي يشوفكم يكول خوات امج محافظه على جسمها
زينب
اكيد
وهاي مرت ابوج الي من ساعه الي جيت مشفتها كعدت ورگدت
ابتسمت
اي نعم هاي بلاسم حبيبة ابويه الي حظها كاعد
واني مثل حظ امي زفت طين
مرام
ههههه مبين بس تدرين هيه مو من مقام ابوج مدتصير امخي ولاجاي استوعبها شجاب لجاب
بس هيه على گولتج حظوظ
زينب
تدرين قبل متجين صارت عرگه شكبرها من وراها
وابويه رزلها الامي الخاطرها
أنت تقرأ
غضب رجل شرقي
Romanceلم اكن انانيا ولا فخورا ومتكبرا بنفسي ولكن لدي عزه نفس وكنت اضنها خصله عند الجميع لصفاء ونقاء روحي روحي التي نهضت يوما لاراها مسلوبه ٠٠٠٠ حين يغضب الرجل الشرقي قصه للكاتبه ذكرى المندلاوي بعد غياب طويل عادت ومعها مايثلج القلوب بروايه مشوقه في كل مرا...
