مساء الخير
غضب رجل شرقي
لذكرى المندلاوي
البارت الرابع
حياه
الموقف الي جنت بي متمنيته العدوي
عرفتهم همه نفسهم جيرانه الجدد مدري شصار بيه
بوكتها تمنيت صايره جوه السيارة ولا هل الرزاله
ادري بروحي تعودت على هاي السوالف واذا يوم يمر
عليه بدون تنمر اني من يمي اتفاجئ بس اليوم
غير شكل لتسئلوني ليش لان اني نفسي مالكي جواب السؤالي هذا
قربه مني وعيونه بعيوني وهو متعصب خله الوقت متوقف عندي صحيح صرت بهدومي وكلت ياكاع نشكي وطميني بس بنفس الوقت جيت اشمر روحي
بحضنه وابجي حسيته قريب مني ضحكون من كلامي بس هذا الي صار وهذا شعوري چان
لو ماهذا الرفيع والي اسمه ياسر رجعني بحجيه
المسموم أ لوعي
يالله عود ليش بس اني تصير بيه هيجي مواقف وتخلي الناس تضحك عليه ؟يمكن اني غبيه
لا اكيد مو يمكن ٠٠٠استغفرك ربي
اعترف انو اني محلوه شكلي ممقبول مينهضم شسوي خلقه ربي٠٠٠ بس والله داخلي حلو ونظيف
واحب كل الناس وبعمري مكرهت بشر ٠ليش هيج يعاملوني؟؟؟
هو راح يسوق بسرعه مستعجل
دنكت على الرصيف ابجي على حظي والي جاي يصير بيه
والكتاب بحظني
سمعت صوت ناعم متوقعته ولد
حيدر ٠٠مد ايده
جيبي ايدج وكومي لا تسحكج السيارات متشوفين شلون جايين يدكون هورن
رفعت راسي باوعتله
انحرجت منه شاب گصير ابيض الوجه
غطى عليه الشمس بوكفته كبالي
انحرجت منه رفضت وبكل هدوء انتجيت على الرصيف وكومت على حيلي
بصوت مبحوح وهادي كتله
شكرا اني اكدر اكوم
اباوع للصفحه مال المعهد ولا بنيه بقت وجاي يطلعن
المدرسات ست سنيه وست كريمه
صاحت ست سنيه مصدومه من شافتني بهل الحاله
هاا ولج شبيج
متحملت الدمعه بطرف عيني من تذكرت شلون انفجر عليه احمد ابن الجيران
بجيتت
الولد الي بصفي تنهد وهمس
لاحول ولاقوة الا بالله
ست وصليها البيتها مبين متأذيه
مصدومه تباوعلي٠٠
هااا ولج شبيج شيوجعج خو ما متأذايه كولي
مجاوبتها هنوب اني فاقده الحنان مصدكت وحده تحاجيني وتعاملني بهل الاسلوب
زدت بلبواجي وبصوت اعلى
جت وحضنتني
كافي حبيبتي كافي مصار شي الله يلعنهم سواق اخر وكت
الولد همس ل ست كريمه ويباوعلي
ست كريمه
عيني ست وسن اخويه حيدر يكول سأليها اذا متأذايه حته ناخذها للمستشفى
أنت تقرأ
غضب رجل شرقي
عاطفيةلم اكن انانيا ولا فخورا ومتكبرا بنفسي ولكن لدي عزه نفس وكنت اضنها خصله عند الجميع لصفاء ونقاء روحي روحي التي نهضت يوما لاراها مسلوبه ٠٠٠٠ حين يغضب الرجل الشرقي قصه للكاتبه ذكرى المندلاوي بعد غياب طويل عادت ومعها مايثلج القلوب بروايه مشوقه في كل مرا...
