٠٠٠٠٠٠
لم اكن انانيا ولا فخورا ومتكبرا بنفسي
ولكن لدي عزه نفس
وكنت اضنها خصله عند الجميع
لصفاء ونقاء روحي
روحي التي نهضت يوما لاراها
مسلوبه من قبلها هي
هي التي خدعتني
٠٠٠٠٠٠٠٠٠
قصه لذكرى المندلاوي
حين يغضب الرجل الشرقي٠
٠٠٠٠٠
مشهد من الروايه
بيت ابو احمد
ام احمد
هاااا داده ياسر بشر
ابتسم
خير انشاءالله
لكيتو بيت
هز راسه
اي خاله لكينه ويمنه قريب بيناتنه شارع واحد
دنكت والوجه انكلب الحزن
ياسر
شبيج خاله شو احسج مفرحانه
طبكت شفايفها بيأس
يعني هذا هوه بعد مارجع الذاك بيتنه
عمار
شبيج يمه ذاك مو بيتنه انتي نفسج جنتي ادكوليله
الابويه اخاف يجي يوم ويطردنه أبو الملك وهل اجه هذا اليوم
تنهدت
طب احمد
هاي شكو
ياسر
لكيت بيت
اي ياألله وشكد اجاره
خمسميه
ام احمد رفعت راسها
يمه اسم الله شصاير ليش هيج غالي
التفت ياسر الاحمد
انت مو كلتلي حته لو يوصل خمسميه
احمد
صدك تحجين يمه هو وين اكو بعد مثل ايجار بيتنه مو زين الرجال جان صابر علينه (يحجي ومتحصر كأنه مراضي)على الي يحجي
فكت عيونه بوسعها وفرت بيدها بشك
شبيك اوليدي انت ويانه لو وياهم ،بعدين هو الي مجان يرضى نزيده الاجار كل همه نطلع من البيت
وجان ابوك الله يرحمه ماكل راسه بذاك الوكت كلما يشوفه قبل ميسلم يكوله شوكت تفرغون البيت واطلعون ، جانت حجته ابنه يريد يزوج والقانون بصفه يوميه داز محامي علينه
ياسر
هل خلصتي منه هو هم بيت كاعدين بي تعالي شوفي هذا الجديد هستوه طالع الخلفه منه ومسلم المفاتيح
التفت الاحمد احجي
احمد
فكره يم نجوم الي صارت بعيده مثل النجوم من هل اليوم
راد يطلع صاحه ياسر
تعال وين رايح
الام
يمكن حجينه معجبه
ام ياسر
حضرت الغده وابو ياسر منتضركم يالله تعالوا
ياسر هل جايين
يالله احمد تعال مو متت جوع من الصبح افتر حته ريوك متريكت
همس بأذنه
لتسويها شغله امك حقها اعصابها تعبانه
خزر احمد بياسر وطلع بدون ميحجي ولا كلمه
التفت ياسر الخالته
هسه يرجع
تنهدت بقوة وكالت هاي اولها شلون بتاليها
٠٠٠٠٠٠٠٠٠٠
مرام
يمه حلوه شلون الثوب طالع عليه
يخبل بس لاتكسرين العروسه
مرام
هو منو يجي بجمالها
هيج حلوه؟؟
ايههه حلوه هاي لو تشتغل بكارنه جان صارت فوك الفوك
عزه العزاج ديري بالج اتعيديها الكلمه حته لو
بينج وبين روحج
مرام بحقد
ليشش عيني لعد بس اني الطايح حظها خل يطيح حظها حته لو بس حجي دافوخ كلبي ليش انتي متخليني ؟؟
الام
ليش هيه شسوتلج البت تحبج لا تخربين بيتج بيدج
هزت راسها وحولت عيونها للسكف
ميفيد الحجي ويه مرام طول عمرها حقوده ومتحب اتشوف وحده احسن منها
وزينب جانت بنت محجبه صائمه مصليه تعرفت على
مرام عن طريق صديقتها سندس جوارينها والي جانت
بخطه مرسومه منها حته تعرف شيدور بذاك البيت
٠٠٠٠٠٠٠٠
بدايه الروايه
بيت ابو احمد
ابو احمد
ابني عمار تعال شيل وياي العلاليك
اي يابه جيت
الله يساعدك
يساعد بختج
شدعوه عدنه بعد ه مسواك اول البارحه
خل ولدي يشبعون ماطولي اشم الهوى
الله يحفظك الهم
وينهم شو مااسمع صوتهم
كاعدين كلهم فو ك بغرفه احمد يلعبون دومنه ويه ابن خالتهم ياسر
هاا ياسر اجه من البصره
من البارحه
هله بيه
يالله اني رايحه احضر الغده
قبلها كسريلي الرگیه شوفیها حمره حلف وقسم
حمره مو مثل ذيج المره
صار رايحه
لتنسين كسري ثلج عليه حار جهنم بره
من عيوني
عمار
هاا يابه شو مسألتني على الامتحان
هههه شلون انسه بس خلنه نبرد گلوبنه من ضيم
الشارع وبلاويه
يابه لتطلع انت بعد للمطعم اني اشتغل مكانك بس
اخلص امتحان
والله بيك الخير بس مو هسه انت اصغر اخوتك
وبزر الگعده بعدلك وكت طويل على شلعان الگلب
بس يابه اخاف عليك من الانفجارات
الله الحافض وكلمن يموت بساعته
ايههه اجه الرگي
والله صدك الرجال
احمر وشگر
عود چیب بس منه ابو احمد
هز راسه
اکید لان الصادقین بهل الوگت قلیلین
اي والله
٠٠٠٠٠٠٠
يتبع
أنت تقرأ
غضب رجل شرقي
Romantizmلم اكن انانيا ولا فخورا ومتكبرا بنفسي ولكن لدي عزه نفس وكنت اضنها خصله عند الجميع لصفاء ونقاء روحي روحي التي نهضت يوما لاراها مسلوبه ٠٠٠٠ حين يغضب الرجل الشرقي قصه للكاتبه ذكرى المندلاوي بعد غياب طويل عادت ومعها مايثلج القلوب بروايه مشوقه في كل مرا...
