غضب رجل شرقي

البارت السادس

مساء الخير
غضب رجل شرقي
لذكرى المندلاوي
٠٠٠٠

زينب

لا اكيد هذا صوت ابويه ضليت وكفه بمكاني حته نفسي كطعدته ٠٠اريد اعرف ابويه ويه من ديحجي
هذي مو بلاسم لان بلاسم جوه شفته بلمطبخ خاله
ولدها وتوكل بيهم ٠٠وامي هستوني حاجيتها
انصدمت افكار تجبني وتوديني ٠٠هذا ابويه ويه من هلمره تمنيت اسمع زين اعرف شيحجون ياريت اسمع صوتها حته اعرف منيه هاي معقوله من گرايبنه
مو بعيده لان المعجبات بي ياكثرهن خاصه گرايبه يكرهون امي ويتحسدوها عود هيه مرتاحه وياه

اخيرا اندارت بس ظلمه ياربي مشبها بيها لو بس تحجي ٠٠٠

سمعت كللها يله روحي للبيت اخذي امج وروحي
اني اخلي واحد من الولد يوصلج لترحين بتكسي

ياعيني يخاف عليها الهل درجه يعني بينهم سر اكيد

ولازم اعرفه
طلعت هيه واني جيت اروح اشوفها منو صار ابويه كبالي جاي يجي من جهتي ويطلع الدم جمد بجسمي
ياربي وين اولي وين انطي وجهي هسه يموتني
بس يشوفني جان اكو ميز طعام على صفحه. استنجدت بي وصرت جوا بسرعه ونفسي كطعدته الحد مااا
فات والحمد لله مشافني عدت على خير لو شايفني جان عصرني بلحايط
اي عيني يخاف ليحسون بيهم خلاها تفوت من جهة
وهو من جهة نبيه ابويه تفكيره جهنمي ولا دكول هذا
هو المخوف العوائل ومرجف نسوانه
طلعت بسرعه اباوع للوجوه بلكي اعرفها
صاحتني مرام
عاشت ايدكم على هل الاكل يخبل
الف عافيه هذا عمايل امي طبعا ساعدنها خواتها بس بأشرافها

ام مرام
وينها حته اسلم عليها احنه هم ياله نروح
شنو بعدكم توكم جيتو
مرام
لاحبي مثل ماكالت امي هم ياله ان شاءالله اجيج بيوم الزفه ماعوفج عود خابريني خوش

عل الاقل كملو عشاكم
شبعنه بيت العامر
زينب
طلعت مكدرت اوصلها للباب الزلم بره متروس الكراج

رجعت اتعشه ويه خالاتي لان جعت هواي من الصبح
على لحم بطني
بس ظل فكري بهل المره الي جانت ويه ابويه ياترى
منهيه

٠٠٠٠٠٠٠٠٠٠
يتبع

حياه
رجعت الساعه خمسه العصر تعبانه لاكتني امي مثل كل مره
همزين جيتي تعالي ساعديني نحضر عشه
ادري يمه ماعندج غيري
هااي شنو هاي سالفه جديده
يمه والله تعبانه هسه خواتي من يجن مو يرتاحن
اباوع لامي نعقج وجها زعلت

ياله عود كلت انتي احن بنيه عندي تاليها انتي هم صرتي مثلهن

استغفرت ربي ورحت حضنتها وبستها
كلشي ولا زعلج هسه بس ابدل واجيج ويجرالج ودللي بعد؟؟

لا روحي قابل انتي وحد بنت البطه السوده روحي ارتاحي ماعندي شي هو غده الظهر وراح احمي
وهذا شويه عجين كباب ربع ساعه ويتگله
ماعندي شي