#الحلقة 48 :
• ماما : حبستي قرايتك ، خرجتي من الدار هملتي كاش من حاجة كثر من هاك
• حسناء : نتلاقى بالرجال و ناخذ منهم الدراهم زيديها مع هادوك زوج عيب قائمة تمردي تكون ناقصة
هزت يدها وضربتني كف على وجهي
• ماما : قليلة التربية هاكدا تحكي معايا
• حسناء : قليلة التربية ! معاك ! علاه شكون نتي بالنسبة ليا وشا نكون ليك انا ! ياك تخليتي عليا وقت لي تبرا مني راجلك كي كنتو تحوسو تتاجرو بيا تما كنت متربية و دوكا مين دخلت ف هاد المجال رجعت قليلة تربية
حتى سمعت بابا يعيط
• بابا : خلاااااااااص
• حسناء : هاهو راجلك جا يكمل المحاضرة لي بديتيها
• ماما : ردت عليا وهي تعض على سنانها حسناء. ...
• بابا : خليها ..واذ تقدر تدير كتر من هاك تدو ر و تدور و ترجعلنا تبكي شحال تقدر تعيش بلا دراهم
• حسناء : علاه شكون قالك ما عنديش دراهمي !! صدقتك ما نحتاجهاش مع الأسف الشديد ما حبيتش نخيبلك ظنك بصح عندي لي يصرف عليا
• بابا : خبيها من قدامي أحسن ما نضربها نكسرلها سنانها
• ماما : ما تتعبش روحك راك سمعت واش قال الطبيب .
دخلت لشومبرتي و انا نتنهد ..مستحيل ترجع دارنا كيما كانت هاديك الضحكة واللمة تاعنا ك عايلة فرحانين تكسلت فوق السرير حطيت يدي على وجهي و بقيت نتفكر يامات الصغر تيليفوني عند راسي سمعته يصوني حكمته لقيت سهيل ، سبحان الله كل ما تكون مشكلة ف الدار يتصل
• حسناء : ألو ..
• سهيل : مرحبا الشابة تاعي ما توحشتينيش
• حسناء : على ما أظن قلتلك راني مشغولة وقت نكمل نعيطلك بصح لا ...
• سهيل : وهادي نفهمها بلي راكي تليكيدي فيا !
• حسناء : لا ... اتصلت ف وقتك .
• سهيل : توحشتك ...ما قدرتش ننحي هاديك الليلة من بالي وقتاه نرجعوا نتلاقاو !
ما حسيتش بروحي وما عرفتش كيفاش حتى طرت فيه ب هاديك الطريقة و عيطت عليه
أنت تقرأ
♤🔥 خطيئة وردية ♧🔥
Random❤🌸 المقدمة 🌸❤ : أحيانا الهبات الربانية تفسد البشر ، تجرفهم بعيدا ليعيثوا في الأرض فسادا غير مبالين كالجمال و الجاه والسلطة ، أما أنا فكنت واحدة مما ذكرت .... • أحببت الدنيا بشدة فأغرقتني في شهواتها لكني لم أقاوم🔥 جعلوا مني وحشا ثم كرهوني إلا...
