♤🔥 خطيئة وردية ♧🔥

#الحلقة 76

#الحلقة 76 :
• حسناء : اممم فهمت ، وقتاه راكي رايحة للدار !
• حياة : نتغذا و نروح عارفة غادي نلقى الدار مقلوبة بين ما و زينب نتمنى ما نزيدوش نتعاقبو مع بعض وخلاص باسكو تكسرلي راسي بالزن تاعها
• حسناء : عندك الحق ، معليش رجعي المرة الجاية ان شاء الله باتي يومين ولا كتر
• حياة : لا لا خلي حتى ما تروح عند عزيزة ما نقدرش نجي و نخليها وحدها غير مينداك ما كنتيش مليحة ما حبيتش نخليك وحدك
• حسناء : يخليك ليا حبيبتي
• حياة : علاش نضتي من بلاصتك اقعدي راكي موجوعة الغذاء عليا خلاص راني قريب
نطيبه
• حسناء : بقيت نشوف فيها تحكي وحدها ، مع من راكي تحكي معايا !
• حياة : لا ماماك راهي ورا الباب واقفة
• حسناء : مالا نقولك مرسيييي على تعبك رايحة لشومبرتي اذا كاش ما حتاجيتي قوليلي نحبك
• حياة : شوف شوف هاد نكارة الخير سمحت فيا
درت غنية و بقيت نرتب ف شومبرتي لقيت ورقة قديمة ف وسط صوالحي تاع القراية 《 كون غير ما تجيش هاديك السامطة ، تسمح ف ف كلوة و ما تسمحش ف ساعة تاع قراية هاديك ، 》 《 نسيمة و المجراب  ، حسناء البهلولة ، بوراك ، زيتون ، شوربة 》 .
توحشت هادوك اليامات ، توحشت نسيمة ، راني حابة نرجع نقرا ، الصح الصح حابة نرجع كيما كنت ، زدت لقيت وحد التاج صغير مخبي مازالني متفكرة هاداك النهار كان عيد ميلادي
• بابا : وهاهو أجمل تاج لأجمل اميرة ف الدنيا
دخلت حياة للشومبرة ، خبيت الحوايج لي جبدتهم