♤🔥 خطيئة وردية ♧🔥

#الحلقة 73

#الحلقة 73 :
• حياة : سمحيلي راه يعيطلي
• حسناء : نتحداك تردي عليه و تخليني وحدي
• حياة : حطت صبعها عند لي ترد و بقات تحط و تبعد رققت صوتها  ، اووووبس ، ألو واش راك !
• حسناء : ماشي غير قبيلة كنتو تحكو .
هزت ب كتافها و راحت تتمايل و تحكي ف التيليفون
• حياة : زعما توحشتني بزاف ولا شوية !
• حسناء : واضح من الجواب تاعك واش راه يقولك ننوض خير لي ، نضت نغسل الماعين لي كليت فيهم  وطلعت للسطح كان الحال شباب شمس دافية ، في سطحنا حاطين تفريشة شغل دار ماشي  غير سطح نديرو فيه قعدات و سهرات ف رمضان و فالصيف
وقفت نطل كانت كاينة حمامة بيضاء باينة بلي حصلت ما قدرتش تطير و ف نفس الوقت كون تمشي تطيح التحت بقيت نشوف  فيها ونقول
• حسناء : حالتك كيما حالتي ما تقدري تطيري ما تقدري تمشي ف كل الحالات نهايتك تموتي .
حتى جات حمامة أخرى بقات تهز ف جناحاتها على الحيط  قريبة من الحمامة البيضاء و حتى هي  تاني تحرك ف جناحاتها ، طاحت الحمامة البيضاء من الفوق ، طلعت رجليا فوق الحديد و مديت يدي باش نحكمها بصح كانت  بعيد عليا خفتها تموت .... غمضت عينيا بلخف وعاود رجعت فتحتهم بالشوية،  الحمد الله فردت جناحاتها و طارت حسيت ب راحة نفسية كبيرة تنهدت حسيت روحي طفلة صغيرة قاعدة تعس فالحمام  و الطيور ، صح وقتاه كانت آخر مرة وقفت فيها هنا و كان عقلي صافي ما نخمم ف والو
• حسناء : يا ريت نلقى لي يسلكني من روحي .. نتي طرتي و فرحتلك وقتاه نقدر ندير كيفك و بدات تلعبلي الفكرة ف راسي وانا مطلعة رجليا فوق الحديد بانتلي نجرب نتدلى من تما حتى سمعت حياة تحوس عليا
• حياة :  نونوستي وين حطيتي البريكي تاع الغاز حسناااء وينها هادي يا ربي علاش تبدل بلاصة البريكي ما فهمتش ، باينة راهي ف السطح تتشمس على حساب الباب راه مفتوح مااااراكيش تسمعي فيا يا الطرشة ردي
غير هي وصلت عندي بدات تنهج ، يا ختي على الدرج لي عندكم تعبني والله ، غير طلعت راسها فيا جات تجري ، واش راكي ناوية تديري حبسي كيما راكي هبلتي ول ، حسناء ياك ماراكيش ناوية تديري لي راه ف بالي ، تزيدي خطوة نقتلك حسناء انزلييي خفي خفي