#الحلقة 88 :
• ماما : نتمنالك زوج يتهلى فيك و يبعدك من هنا علينا مانيش حاباتك تزيدي تعاني ، علابالي كلشي لي راكي ديريه مع أنو عارفة بنتي خرجت من على الطريق الصح و سكتت ، كان لازم نكون معاك و ننصحك و نوجهك
• حسناء : غلبني البكا حسيت بلي كلماتها كانو من القلب ، ما...ماما ... بصح كي درتي عرفتي
• ماما : شفت لي ميياج ف تيليفونك كنت حاسة بلي كخبية حاجة والدراهم هادوك ما جاوش من العدم ، وعديني حسناء وعديني بنتي بلي غادي تبعدي على هاد الطريق وما تزيدي تخلي واحد يمسك !
• حسناء : وعد ماما ، وعد .
• ماما : مشيت ورا الدنيا لدرجة نحرمت من كلمة ماما شهور ، راني غادي نحاول جهدي باش نعوضك و تعيشي ياماتك الجايين ان شاء الله مرتاحة حتى واذا هاد الحاجة تمعني أنو نوقف ف وجه باباك
• حياة : تأثرت و فنفس الوقت فرحت لي قدرتو تخرجوا لي ف قلبكم من جهة بعض ان شاء الله ما تنحرموش من هاد اللحظة والمحبة لي بيناتكم
رحنا ل شومبرتي انا و حياة ، ماما وجدتلي حاجة ناكلها حطتهالي ف سينية و خرجت باش نقعدو وحدنا
• حسناء : لازم نحكو ف موضوع مهم دوكا
• حياة : ماكانش موضوع أهم منك حسناء راكي مليحة متأكدة !!
• حسناء : راني خير بألف مرة من لي كنت ما تتهربيش من لي غادي نقوله لازملك تتصالحي نتي ومازن
أنت تقرأ
♤🔥 خطيئة وردية ♧🔥
Random❤🌸 المقدمة 🌸❤ : أحيانا الهبات الربانية تفسد البشر ، تجرفهم بعيدا ليعيثوا في الأرض فسادا غير مبالين كالجمال و الجاه والسلطة ، أما أنا فكنت واحدة مما ذكرت .... • أحببت الدنيا بشدة فأغرقتني في شهواتها لكني لم أقاوم🔥 جعلوا مني وحشا ثم كرهوني إلا...
