#الحلقة 70 :
فاتو الساعات و حتى جا الصباح و انا وحياة متدابزين مع أنو انا لي كنت غالطة بصح هي لي جات طلبت مني السماح
• حياة : فيقي حسناء
• حسناء : امممم
• حياة : اذا راكي حابة نبقو مدابزين ب راحتك بصح انا مانيش حابة و راحتي اسبق من راحتك ، نوضي حابة نتصالح معاك ، و بقات تهز فيا
• حسناء : بعديني تشوفي
• حياة : أوك ما تنوضيش وما تصالحينيش بصح ما تلومي غير روحك
حسيت بالهدوء لثواني برك و جات لعندي تجري و رمات روحها عليا كانت جايبة الثلج ف يدها من الفريجيدار و تحطلي فيه ف ظهري
• حسناء : حياااااة ، يا ويلك و نحكمك ، صباح ربي الواحد دايخ
• حياة : شافت فيا ب نظرة حزينة ، تعيشي خلينا نتصالحو ، وفتحت يديها للزوج باش نحضنها
كان شعري مخربش بقيت نرتب فيه و نخزر فيها
• حسناء : وين راهي كرامتك
• حياة : خسرتهى على جالك ، و حضنتني ، نحبك نونوستي والله سمحيلي ماكانش لازم نخبي عليك
• حسناء : مام نتي سمحيلي نفعلت بزاف
• حياة : باركيلي ...
• حسناء : علاه !!
• حياة : رانييي رسميا حبيبة مااازن
• حسناء : كيفاش ، قلتيله بلي قابلة !! وقتاه صرا هاد الشي ياك ما حكيتوش لبارح !
• حياة : ايييه علابالي واش درتي يا الكلبة مهما كنتي زعفانة مني ماكانش لازم تدخلي مازن ف الموضوع
أنت تقرأ
♤🔥 خطيئة وردية ♧🔥
De Todo❤🌸 المقدمة 🌸❤ : أحيانا الهبات الربانية تفسد البشر ، تجرفهم بعيدا ليعيثوا في الأرض فسادا غير مبالين كالجمال و الجاه والسلطة ، أما أنا فكنت واحدة مما ذكرت .... • أحببت الدنيا بشدة فأغرقتني في شهواتها لكني لم أقاوم🔥 جعلوا مني وحشا ثم كرهوني إلا...
