لتاسع من أگتوبر
البارت السابع
بقلم: غرور&ايليت
...............
.:
چــا و الدروب و سفـرها
چـا و الوجوه الصدع يمك شذرها
و المحـطات و زحمهـا و ليلـهـا و ريل العبرها
ذنــي بيش؟
وصلت للبيت إسعاف و شرطة كوة طلعت من بينهم بالباب .. امي بحال اول مرة اشوفة
ملخة نفسها و صافنة بالفراغ.. البنات كذالك
قبل لا اسأل ولا اسد بوابة شكوكي
صاحت صفاء بصوت:دررة ولج رعدد راح رعد اخوج مات
صفريت نهزت الگاع جواي وگعت من طولي صافنة مستحيل لا رعد مايروح هيج
ما يعوفني لا بجي بجيت و لا دموعي طاحن ما مصدكة ..حسيت بأيدين على جتفي
دفعتهن زحفت للباب لحظة و مرو مني شايلين سدية و بيها شخص شرطة واكفة فوگ منة
خلو بنص الحوش و ركضتلة امي تحضن بي يبس الدم بعروگي الكون كلة وكف بعيني
صريخن يفززني يرهبني سديت اذاني عنه غمضت لا لا مو رعد ياربي لا مو هيج
ما شفتة من راح اخر مرة ما شبعت منة اني منتظرتة بعدني لا ياللهي
زحفت قريب منة ايدة مادها ماتحرك لزمتها باردة ثلج مابيها دفو رعد و حنيتة
شلتها طبعت بوسة عليها
افرك بيدة اريدها تدفة
الدنيا حارة ليش انتة بارد هيج ليش
: رعد حبيبي كوم اكعد شوفني رعد لاعوفني خايفة اظل لوحدي
توسلت و بجيت بداخلي ما مصدكة صدمة ماكدرت افسرها اجو المسعفين شالو
جلبت بالسدية ما اقبل ياخذونة حسيت بشخص وراي نزار سحبني من ورة وخرني
تخبلت كمت اريد اركض وراه بس اريد نزار يعوفنيي: لاااا فدوة عوفو فدوووة لاتاااخذونة
التفتت على نزار أريدة يعوفني: نزار فدددوة ابوووس ايددك حباااب خل يعوفو
اخذو و طلعو سحبو منة تهسترت گمت اصيح: لااااا رعد لاتخذووونة ابويية هذا
طحت بالگاع واني ابجي زحفت لرجلين نزار كعد لزمني بين اديه اخذت جفة ابوس و دموعي بللتة : نزار فددووة ابوس ايدك خل يرررجعونة حباااب فددوة رعد مايعوفني
بقيت اصيح فقدت كلش تهسترت هو اني شنو لمصبرني غير رعد .. هوة الوحيد الزين بحياتي
اني ضايعة و هوة منارتي .. الوطن مالتي وين هسة مخليني المن .. شسوي
لزمتني صفاء تكومني هي تبجي و اني ابجي كمت اضرب بنفسي اريد اموت لو اصحى هذا كابوس اكيد
ماكدر أخسر كلشي بيوم وليلة..بارحة خسرت حياتي و ربطوني بأنسان و بيت مقرف
وهسة خسرت و سندي و و اخوي وتعبت وضلمت دنية بعيوني فلتت روحي منهن
أنت تقرأ
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
