التاسع من أكتوبر
بقلم.. غرور العراق.. أيليت
...........
نزعت ملابسي ودخلت للحمام ماي حار استرخيت جوة غمضت عيوني يحرگني
كلش تعبانة ومهدود حيلي بقيت گاعدة جوة الماي..رفعت ايدي خليتها على شفتي
مغصتني بطني و حس بفراشات عصرت عيوني حيل ابتسمت..فرحانة لان رجع و شفتة بخير
بس الغصة بگلبي من وراه اني خسرت روحي منهم كلهم ..حاقدة على كل بشر مر بحياتي
هزيت راسي اوخر افكاري سديت الماي و نشفت ..لبست تشيرتة وصل شوية عن ركبتي
خيولي هوة اني نايمة ..
لميت شعري و شلت بطانية نكتتهة مكشمة لفيت روحي بيها
گعدت على جرباية مانمت بقيت احوس خاف انام و اتحلم اضوج بالزايد
..بقبت فكرة تجيبني وفكرة توديني راسي صار طبل .. خليت راسي على مخدة حاضنتها
عيوني بخمول و نمت ماعرف شكد بس فزيت بحلم مزعج
بس انام بعمق و افصل عن الواقع اتحلم و اختنگ طگت روحي من القهر
لملمت بطانية علية و طلعت ..تفاجأة بي ممطول على كرويتة بالصالة ومخلي ايدة على عيونة
وصوت اغاني ناصي يجي من الموبايل..تقربت يمة گعدت بالگاع و نطيتة ظهري اسمع ويا
جانت اغنيتة دائماً يغنيها .. لميت رجلية وخليت راسي عليهن...
حسيت بأيدة على شعري يمسح عليه نداريت ورگيت على راسي على طرف الگرويتة
ضامة وجهي تنهدت بتعب و ضوجة ..طفة الاغنية و استعدل بگعدنة
قهار: ليش مانمتي
درة:افكر
قهار: وين وصلتي بتفكيرج
درة:اسفة لان عضيتك
ضحك ورفع راسي ..عيوني مغورگة مسحتهن و استعدلت بگعدتي ..اني بالكاع وهوة على كرويتة
درة: هم اسفة لان صيحت
قهار: خلصت الهرمونات وگمتي تفكرين عدل
درة: شوف باع شسمة اني اريد ابطل بس وين اروح
قهار:تعاليلي
دنگت وفركت ادية بقهر: اخاف
قهار:منين تخافين محد يگدر يوصلج بعد ..اكو احد يجبرج احجي
درة:لا ..اخاف تعوفني مرة ثانية.. اني ضعيفة و ضايعة
نزل و گعد بصفي ..دموعي يطيحن علة ادية گلبي يوجعني ..اخذ ايدة بأيدي
رفعت عيوني الة حجة بصدق: ما اعوفج بعد ثقي هالمرة
درة: واذا عفتني
أنت تقرأ
التاسع من أكتوبر
Chick-Litإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
