التاسع من أكتوبر
بقلم.. غرور العراق.. أيليت
مساووو شلونكم
قررت أكثف النشر الان عطلة ونتونس اذ شفت تفاعل حلو بالليل انشر بارت 😂↗️
.....
أشيل همك قبل همي وتسألني تحِبني؟.
مرت أيام عادي تعودت وتعايشت ويا حزني ودفنته بگلبي عامر نكطعت أخبارة مرات أكول ليش عافني
ومافگر بية ومرات أكول خلي بعيد أحسن أعمامي گطعو رجل مني وماسألو عليه حتى بيت خالو أبو مروان نفس الشيء
ودوام بلش وراح ينتهي وأني مادوامت ولا شي رغم ديسم حاول وياي بس ما قبلت أريد أرتاح أحس
هل سنة هواي تعبتني بقيت هنا المكان حلو ونظفت البيت طلعته يلمع طلعت كل طاقتي بي وديسم ساعدني شوي مو هواي شوي وجاب مولدة لبيت
صار المكان غير وجمالية البيت تصميمة وبنائة قديم حلو منان دوم يروح ويجي يسولف ويضحك وياي
أبد ما ححسسني بشي ما شفت بعيونه أي نظرة محلوة تجاهي بالعكس حيل طبيعي وتافه وبارد بشكل
ريحة الدخان ملت الصالة يدخن نارگيلة بس ريحته طيبة وأني نايمة على رجلة وأيدة على شعري
أرجوان: ديسم
ديسم: ها عيني
أرجوان: كوم فرني بالمنطقة هنا حلوة
دنگ طبع بوسه على خدي: صار والف صار
عدلت گعدتي.. صرت گبالة يباوع لي بنظرات حلوة
أرجوان: البس بوتيني وأجي.. هز راسه الي
لميت شعري، ولبست بوتين طلعت لگيته منتظرني بيدة گسريته ابتسمت أجيت بصفه باوعلي من فيوك ليجوة رفعت حاجبي: ها
ديسم: طالعه جنج وحدة مخبلة شلون لامة عطوبج
ارجوان: هو أني من زمان مخبلة اصلا شلون حبيتني
ديسم: العتب على النظر شسوي
ضحكت مدلي أيدة... مشينة وهو عينه على مكان يدور حجل
ارجوان: شسمه ديسم
ديسم: ها عيني
أرجوان: ما تطيني جكارة أضوگه
ديسم: ماتردين حلگ
عضيت شفتي ضامة ضحكتي شكد ساقط لتفتت عليه شبك أصابعه بصابعي: لا مااشتهي
هز راسة وسكت جان المكان حلو والطبيعيه تخبل هدوؤء ياخذك لغير عالم ونسمات هواء باردة وصوت الطيور بعيد
عن ضجة المدينه والهوسة تحسسك براحه نفسيه تحسك نفسك صدك عايش
خطف گدامنه أرنب وأني كمزت رفع راسه بعصبية: وسم نگرصتي
أنت تقرأ
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
