التاسع من أكتوبر

مشهد

.....

فتحت الباب صاحت بنزعاج: ليشش مادگينة جاي تتعدين علة خصوصيتي

نيروز:مو وكت خصوصية هسة اسمعيني زين

عافت الالة الموسيقية البيدهة وگابلتني مديتلها ورقة كاتبة بيهة اسم العلاج

ليلاس: شنو هذا

نيروز:ديجوكسين

حجت بستغراب:ديجـ.. شني هاي صارت عركة بلساني

نيروز:لاتعايرين هوة اسم اريدج تشترين هذا علاج لو تبوكينة اي شيء

ليلاس:واني شعلية انتي صيدلانية ترة شغلج هذا

نيروز:ماروح اگلهم اريد هذا علاج بصلافة بابا اشتري بالسر دزي واحد من ذولة حماية اي شيء

ليلاس:ولعلاج شنسوي بي نريد نعالجة احنة

نيروز:جا شلون تموتينة تگليلة موت و يموت اكيد تسوي شيء

حجت بحماس وهية تتقدم :وشيسوي هذا

نيروز:ديجوكسين علاج لامراض قلب خطير واي جرعة زايدة تسبب الموت ويمكن اذا مريض حساس لهيج ادوية مجرد ما ياخذة يموت

ليلاس: ونگول طاح الجسر هههههه

نيروز:نگول نگول بس اشتري والباقي علية

.....

رجعت خصلة من شعري ورة اذاني واني ابتسم بوجه حارس حجيت وعيونة اكلتني اكل بأعجاب

ليلاس:بابا اجة

: لا انسة محتاجة شيء

هزيت ادية بسرعة :لا لا بس اسأل عنة فقدتة

: هوة على جية اذا وصل نگلة

ليلاس:مايحتاج الصبح اشوفة تصبح على خير

:وانتي من اهلة

ابتسمت مجاملة بوجهة ودخلت جوة لابدة بصف حايط واتحرك بخفة اتذكر اماكن الكامرات

ماريد انلگف ويطيح حظي مديت ايدي جوة الخزفية العلة ميز وين ما ضامة نسخة المفتاح

سحبتة وفتحت الباب بخفة دخلت للمكتب وگلبي يرگع بصدري اذا نلگفت حتى ذبح على القبلة ما لحك انذبح

فتحت جرارات وادية عرگن من توتر اندل ملف وين بالضبط صار اشهر مخيلة علية

طلعتة واباوع بفضول على الجواه شكد صفقات خايسة ايع شهل خيسة

رفعت جذعي اريد اضم الاوراق جوة تشيرت بلحظة اشتعل لگلوب وتنورت الغرفة

نداريت بفزع وگعن الاوراق بصدمة حسيت بثواني جمد الدم بجسمي وصدري يصعد وينزل

: شعدج ليلي

........