التاسع من أكتوبر
بقلم.. غرور العراق.. أيليت
لا تنسون تصويت +تعليق بين الفقرات ومتابعه لحساب
........
فركت ادية بتوتر و ارتباك عيونة علية ماوخرهن گلبي يدگ بسرعة و حس وجهي صخن ..ماعرف شنو ارد
گمت بسرعة وحجيت بتشتت:خل نرجع
مشيت كدامة بدون ما انتظر حسيت بي وراي شوية و جاوزني صار گدامي ..ثنينة ساكتين
مدنكة و امشي وراه تايهة ومامستوعبة الگالة و مادري شلون اتصرف
رجعنة للشقة دخلت گبل للغرفة بدون ما انتظرة ..سديت باب و ارتگيت عليه
صدري يصعد و ينزل برهبة خايفة و مرتبكة.. خايفة من مشاعري اريد افكر عدل ما أكدر
فاجأني حيل بقيت احوس فكرة تجيبني و فكرة تاخذني ..تهسترت من تفكير
طلعت بتردد رحت لغرفتة دگيت الباب انتظرت سوية فتحة وگف
دنگت اجر بردان تشيرت مطيتها مط من الارتباك حجيت بتوتر:شسمة هذا
قهار:شسمة هذا
درة: احم..هذا شسمة
رفعت راسي الة يضحك ومرتكي على اطار الباب بقيت صافنة بي
قهار:عجبج اخطبة الج
انتبهت على روحي درت جهي عنة ركزي ركزي درة لا تجفصين و احجي عدل
درة:احم ..هذا اريد احجي وياك
قهار:احجي
درة:خل اجمع افكاري
قهار:خليها للصبح منعس هسة و فكري زين
درة:لا هسة اني مانام بكل الاحوال
قهار:جا انة مغضوب علية اريد انام
درة:تعال اكعد ماطاير النوم
مشة كدامي كعد على كرويتة منتظرني بقيت واكفة
قهار:درة لو ادري بيج تضربينها صفنات ماحجيت
درة:هاا يعني متندم
هز راسة بلا ..تقدمت كعدت گبالة بللت شفتي برتباك باوعتلة بلع ريگة و دار وجهة لجهة ثانية
توترت بزايد:ءء شسمة هذا باوع
قهار:عوفي الشسمة و الهذا علة جهة ودخلي بالمهم
درة:هذا انتة ليش حجيت هيج
قهار:ليش گتلج تزوجيني ؟
هزيت راسي ..استعدل بگعدتة و حجة بجدية:لان اريد ازوجج يعني ليش
درة:ليش تزوجني يعني صدك تحجي
قهار: جا اشاقة وياج ..شنو مشكلة گولي اذا ماترديني
أنت تقرأ
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
