التاسع من أكتوبر
بقلم.. غرور العراق.. ايليت
لا تنسون تصويت +تعليق ومتابعه لحساب ♡
.:
مدري شبية
احَس شي داخلي تغير
ارد ابچَيلة ما اگدر
ما جاي اشتهي عيونة
ولا بـ الليل جَاي أسهر
مَدري اني شتهيت انساه
مدري الذكرى مِثل الناس
هّم تموت مِن تكبر
تمر الايام و الاشهر والجرح يكبر ومايصغر بداخلي ما يسمحلي انسة
موجود بكل مكان ملاحگني مثل ظلي وناس حولي ما يساعدون
عفتة ودست على گلبي من ذيج الليلة الاذاني بيهة ماريدة حرمني من اغلى شيء بقالي وراح احرمة مني
الة يجيني ندمان على جرحة الفتحة بگلبي اليحب مايأذي هيج أذية جبيرة
مرتكية على حايط دوعي تنزل مثل كل يوم احس گلبي ينبض بقوة و جهي مثل الجمر
ليلية ابجي ماريد استسلم للحزن بس ما بقة شيء بأيدي مشتاقة لهلي خسرت كلشي
عامر راح ومنها وبعد ما شفتة مرت الاشهر بس الوجع مايمر ولا يروح
طفيت المنبه و گمت بكسل بعدهة الساعة بالخمسة بس معودة روحي اكعد هيج وكت
رجعت ادرس احاول اصلح اي شيء بحياتي قدمت اوراقي ورجعت للمعهد
ابني لتهدم لو هوة شيرجع الايام الراحت..دخلت للحمام غسلت و توضيت
نعلت الشيطان و الافكار صليت الصبح و هديت رگعتين لبابا و دعيت كون الله يريح گلبي
گمت لميت سجادة و رحت للمطبخ خليت جاي على نار وكعدت مخلية مبايلي بصفي غمضت عيوني
مستسلمة للنعاس شوية بس فزيت على صوت رسالة من مبايلي فتحتها " صباح الخير حباري"
مارديت حضرتة هاي الشهور المرت من ذيج ليلة ما ارد عليه وشكد يدز رسائل شكد حسابات
تعبت احضرة منا و يرجع منا حاول هواي بس ابد ما اتنازلت وجع ءذاك اليوم بعدة بگلبي
حقدت عليه بعدني عن عامر بكل قساوة اخوي عايش وماكدر حتى اشوفة لو اتواصل وياه
صعبة حيل حلفنة ثنينة كون محد يتواصل وية الثاني كلش موجوعة منة
عفتة مثل ما عافني عامر ..يجي يتوسل ويخابر خالة كم مرة سألتها شيريد ما تگول
وراهة بطلت اسأل مليت نارهم تاكل حطبهم ..بيني وبين گلبي مشتاگتلة
عشت ويا ايام صح صعبة بس المشاعر مو بدينة اگول نسية بس جذب
اسمة يفزز كلشي بگلبي فضول عميق اريد اسمع اخبارة اريدة يبقى يحبني بس ماريد ارجعلة
فزيت على صوت القوري يصوي رحت طفيتة مسحت وجهي ابجي بدون مادري
كملت ريوگ بدلت وطلعت للمعهد مركزة على دراستي هواي ملتهية بيهة
أنت تقرأ
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
